Մագիստրատուրայի ընդունելություն - ՀՀ Գիտությունների ազգային ակադեմիա, 2017-2018 թթ․

ՄԱԳԻՍՏՐՈՍԻ ԿՈՉՈՒՄ ՍՏԱՆԱԼՈՒ ՀՆԱՐԱՎՈՐՈՒԹՅՈՒՆ ՀՀ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱՅՈՒՄ

ՀՀ ԳԱԱ Գիտակրթական միջազգային կենտրոնը շարունակում է 2017-2018 թթ. ընդունելությունը մագիստրատուրայում առկա, հեռակա, այժմ նաև՝ հեռավար բաժիններում:

Առկա և հեռակա բաժիններում ընդունելությունը կատարվում է 30 մասնագիտությունների գծով(մանրամասները՝ http://www.isec.am/admissions/master/entrant.html), իսկ հեռավար կրթությունը (Distance MBA)՝ իրականացվում է համատեղ ՀՀ կառավարման ակադեմիայի հետ՝ երկակի դիպլոմի շնորհմամբ(մանրամասների համար՝ http://www.isec.am/admissions/online-masters-education.html):

Ուսման տևողությունը 1,5-ից -2,5 տարի է:

Դիմումների ընդունման վերջնաժամկետը՝ ս/թ. սեպտեմբերի 20:

Մագիստրատուրա կարող են ընդունվել ՀՀ պետական և հավատարմագրված բուհերի բակալավրի կամ դիպլոմավորված մասնագետի որակավորում ունեցող անձինք(մասնագիտությունների, վարձավճարների և ընդունելության հարցազրույցների հարցաշարերի մանրամասները հետևյալ հղումով՝ http://www.isec.am/admissions/master/entrant.html):

ՀՀ ԳԱԱ Գիտակրթական միջազգային կենտրոնի մագիստրանտները կարող են մասնակցել Կենտրոնում իրականացվող փոխանակման ծրագրերին հետևյալ մասնագիտություններով`

1. «Ինֆորմատիկա և հաշվողական տեխնիկա» մասնագիտությամբ` Ֆրանսիայի Փոլ-Սաբատիեի համալսարան (Թուլուզ-3)
2. «Կառավարում», «Գործարար վարչարարություն (բիզնես կառավարում)», «Բնօգտագործում և բնապահպանություն» մասնագիտություններով` Իտալիայի` Տուշայի համալսարան:

Կենտրոնը համագործակցում է նաև «Amadeus» ընկերության հետ: «Զբոսաշրջության կառավարում» և «Զբոսաշրջություն» մագիստրոսական ծրագրերով մագիստրանտները լիարժեքորեն տիրապետում են «Amadeus» ծրագիրը:

Դիմել՝

ՀՀ , ք.Երևան, Մ. Բաղրամյան 24դ, ՀՀ ԳԱԱ Գիտակրթական միջազգային կենտրոն, հեռախոս՝ (010) 52 48 12, կայք՝ www.isec.am, ֆեյսբուք՝  https://www.facebook.com/www.isec.am/