Կարճաժամկետ դասընթաց - Միգրացիոն գործընթացների գենդերային առանձնահատկությունները, ԵՊՀ գենդերային հետազոտությունների և առաջնորդության կենտրոն

«Միգրացիոն գործընթացների գենդերային առանձնահատկությունները» նոր կարճաժամկետ դասընթացի ընդունելություն

ԵՊՀ գենդերային հետազոտությունների և առաջնորդության կենտրոնը հայտարարում է «Միգրացիոն գործընթացների գենդերային առանձնահատկությունները» նոր կարճաժամկետ դասընթացի ընդունելություն

Դասընթացի նկարագրություն

Միգրացիայի գենդերային ուսումնասիրությունները հիմնականում դիտարկում են կանանց միգրացիոն փորձը: Կանայք, պատմելով իրենց միգրացիոն փորձառության մասին, տղամարդկանցից հաճախ են անդրադառնում սեփական ընտանեկան կարգավիճակին: Տղամարդիկ, իրենց հերթին, ավելի շատ են պատմում միգրացիայի սոցիալական և տնտեսական հիմնապատճառների մասին: Այս տարբերության հետևանքով ընտանիքն ու ընտանեկան հարաբերությունները հայտնվում են սոցիալական մարդաբանների ուշադրության կենտրոնում: Միգրացիայի գենդերային ասպեկտի ուսումնասիրությունները ավելի բազմասցենար են. գենդերային գործոնի անտեսումը բերում է ավելի ունիվերսալ փաստարկների օգտագործմանը: Միգրացիայի գենդերային ուսումնասիրության յուրահատկություններից են ուսումնասիրողների՝ մշակութային համատեքստին բազմաթիվ անդրադարձները:

Դասընթացի տևողությունը 4-6 շաբաթ է, արժեքը՝ 30.000 ՀՀ դրամ:

Դասընթացը վարելու է իր ոլորտի պրոֆեսիոնալ ներկայացուցիչ, ով ընտրվել է ըստ ոլորտում ունեցած գիտելիքի, փորձի, ինչպես նաև միջազգային մակարդակում ունեցած հաջողությունների և ձեռք բերած փորձի հիման վրա:

Դասընթացի ավարտին տրվում է ԵՊՀ ԳՀԱԿ վկայական:

Դիմելու համար անհրաժեշտ է՝ 

• ուղարկել ինքնակենսագրական (cv),

• ուղարկել անձնագրի, ID քարտի scan տարբերակը,

• նշել կոնտակտային տվյալներ

Հարցերի և այլ մանրամասների համար կարող եք կապ հաստատել մեզ հետ՝ գրելով պատասխան նամակ cgls@ysu.am  էլեկտրոնային հասցեին կամ զանգահարելով 060-710-390 հեռախոսահամարով:

Դասընթացին դիմելու վերջնաժամկետն է հունվարի 31-ը:

This opportunity has expired. It was originally published here:

http://ysu.am/calendar/hy/1516262243