«Take Action» Կանանց քաղաքական ակումբի մասնակիցների ընդունելության հայտարարություն
Ընդհանուր բնութագիր
«Հասարակություն առանց բռնության» ՀԿ-ն հայտարարում է «Take Action» ծրագրի մասնակիցների/անդամների մրցույթ։ Ծրագիրը ֆինանսավորվում է Հայաստանում ԱՄՆ-ի դեսպանատան Ժողովրդավարության հանձնաժողովի փոքր դրամաշնորհների ծրագրի շրջանակներում։
Անդամները ընտրվելու են Երևանից և Շիրակի, Լոռու մարզերից։ Մեկ տարի տևող ծրագիրը նպատակ ունի խորացնել ակումբի անդամ երիտասարդ կանանց և աղջիկների գիտելիքները քաղաքականության մեջ և խթանել նրանց մասնակցությունը հայաստանյան հասարակական և քաղաքական դաշտում։
Համաձայն ծրագրի ժամանակացույցի առաջին փուլում (Ապրիլ-Մայիս) տեղի են ունենալու մարզային դասընթացներ Գյումրիում և Վանաձորում՝ բոլոր անդամների մասնակցությամբ։ Դասընթացների արդյունքում ձեռք բերված տեսական գիտելիքները հետագայում մասնակիցները գործնական ձևով կիրառելու են տեղական ինքնակառավարման մարմիններ իրենց կատարած այցերի ընթացքում։ Այցերի նպատակներից է երիտասարդ կանանց ծանոթացնել, թե ինչպես են տեղական ինքնակառավարման մարմինները աշխատում, և թե ինչպիսի մեթոդներով են քաղաքացիները ներգրավվում նրանց աշխատանքերում։
Ծրագրի երկրորդ փուլում (Հունիս-Հուլիս) բոլոր մասնակիցները կհանդիպեն Երևանյան սեմինարի շրջանակներում, որի ժամանակ կներկայացվեն ուսումնական այցերի արդյունքները, ինչպես նաև կկազմակերպվեն հանդիպումներ հայտնի կին քաղաքական գործիչների հետ։ Ծրագրի եզրափակիչ փուլում (Օգոստոս-Հոկտեմբեր) մասնակիցները կբաժանվեն չորս խմբի, կիրականանցնեն հետազոտություններ և արդյունքներն ու առաջարկությունները կներկայացվեն համապատասխան պետական մարմիններին։ Ծրագրին ամբողջական մասնակցության դեպքում մասնակիցներին կտրվեն վկայականներ։ Ծրագրի հետ կապված բոլոր ծախսերը հոգում է կազմակերպությունը։
Մասնակցության պահանջները
- Ծրագրի բոլոր միջոցառումներին պարտադիր մասնակցություն (մարզային դասընթացներ, ուսումնական այցեր, սեմինար Երևանում, խմբային աշխատանք)
- Դիմումը լրացնելու պահին լինել 18-30 տարեկան
- Ընդունված լինել (կամ ավարտած) բարձրագույն ուսումնական հաստատություն
- Կրթություն քաղաքագիտության, իրավաբանության կամ այլ հարակից ոլորտներում կրթություն (Իրավագիտություն, Տնտեսագիտություն, Լրագրություն և այլն)
- Օտար լեզուների(մասնավորապես` անգլերեն) իմացությունը կդիտվի որպես առավելություն
Ծրագրի առավելությունները
- Քաղաքական գիտության և գենդերային ուսումնասիրությունների ոլորտներում հիմնավոր գիտելիքների ձեռքբերում
- Ուսումնական այցեր իրականացնելու և հայտնի կին քաղաքական գործիչների հետ հաղորդակցման հնարավորություն
- Ուսումնասիրությունների, հանրային խոսքի և թիմային աշխատանքի հմտությունների ձեռքբերում
- Համապատասխան պետական մարմինների հետ հանդիպելու և կանանց հիմնախնդիրները քննարկելու հնարավորություն
- Ծրագրի ավարտից հետո տեղական ինքնակառավարման մարմիններում փորձաշրջան անցնելու հնարավորություն
Դիմելու ընթացակարգ
Ծրագրին դիմելու համար խնդրում ենք ուղարկել Ձեր ինքնակենսագրականը և մոտիվացիոն նամակը mariam.aleksanyan@swv.am էլ․ հասցեին անգլերեն կամ հայերեն լեզուներով։ Դիմելու վերջնաժամկետն է սույն թվականի մարտի 15-ը։