Լիբերալ քաղաքական դպրոց 2018, Հայաստան
Լուսավոր Հայաստան կուսակցության Լիբերալ քաղաքականության դպրոցը հայտարարում է ուսանողների նոր խմբի ընդունելություն:
Դպրոցի նպատակն է պատրաստել նոր սերնդի առաջնորդներ, ովքեր պատրաստակամ են կրել ու տարածել ազատական արժեքներ և դառնալ ժողովրդավարության առաջամարտիկներ:
Դպրոցում դասախոսություններով հանդես կգան հայ և օտար հայտնի քաղաքական, պետական գործիչներ, դեսպաններ, տարբեր ոլորտների առաջատար մասնագետներ և փորձագետներ: Դպրոցը համագործակցում է միջազգային ու տեղական կազմակերպությունների ու փորձագետների հետ:
Ուսուցումն անվճար է:
Ուսանողներին կշնորհվեն ավարտական վկայականներ: Շրջանավարտները հնարավորություն կունենան մասնակցել միազգային կրթական ծրագրերի:
Դիմում հայտերի ընդունման վերջնաժամկետն է՝ 2018թ. մարտի 20-ը: Դասընթացը կմեկնարկի ապրիլին: Տևողությունը՝ 3-4 ամիս: Դասընթացներն անցկացվելու են շաբաթական 2 օր, ժամը՝ 18:30-20:30: Նախատեսվում են նաև արտագնա դասընթացներ։
Լիբերալ քաղաքականության դպրոց կարող են դիմել այն ՀՀ քաղաքացիները, ովքեր՝
- 18-30 տարեկան են
- Ունեն բարձրագույն կրթություն կամ սովորում են ԲՈՒՀ-ում։
Անգլերենի իմացությունը կդիտարկվի որպես առավելություն:
Դիմելու համար անհրաժեշտ է ուղարկել հետաքրքրվածության նամակ (motivation letter) և կցել ինքնակենսագրությունը (CV, ներառյալ կոնտակտային տվյալներ և Ֆեյսբուքի էջի հղումը) հետևյալ էլ. հասցեով՝ liberalschool17@gmail.com
Ընդունելությունը կկայանա դիմումների փաթեթի ուսումնասիրության և հարցազրույցի հիման վրա: Լրացուցիչ տեղեկությունների համար զանգահարել՝ 055 77 49 14 հեռախոսահամարով: