«Նորարարությունների կառավարում» I միջազգային երիտասարդական գիտական դպրոցի մասին
Հրավիրում ենք մասնակցելու 2015թ. սեպտեմբերի 27-30-ը Ծաղկաձորում կայանալիք «Նորարարությունների կառավարում» I միջազգային երիտասարդական գիտական դպրոցին:
Դպրոցի իրականացման գաղափարը կոչված է նպաստելու ԱՊՀ երկրների տաղանդավոր երիտասարդ գիտնականների և հետազոտողների համար ինովացիոն գիտական կրթական միավորված հարթակի ստեղծմանը, նրանց ստեղծագործական զարգացմանը, մասնագիտական աճին, ինովացիոն ակտիվության բարձրացմանը, գիտական գործունեության արդյունքների հիման վրա բիզնես գաղափարների մշակման հմտությունների ձևավորմանը, ինչպես նաև ինովացիոն նախագծմանը և տեխնոլոգիաների փոխանցմանը:
Դպրոցի ծրագրով նախատեսված են սեմինարներ, դասախոսություններ, մաստեր-դասընթացներ (master class) ինովացիոն մենեջմենթի և նախագծերի կառավարման ոլորտի առաջատար մասնագետների և դասախոսների կողմից:
Դպրոցին կարող են մասնակցել 20-ից 35 տարեկան երիտասարդ գիտնականներ, ուսանողներ, ասպիրանտներ, գիտաշխատողներ:
Դպրոցին մասնակցությունն անվճար է: Ծրագրի իրականացման ընթացքում հյուրանոցում կացության և սննդի ծախսերը հոգում են կազմակերպիչները:
Դպրոցի մասնակիցների ընտրությունը կկատարվի մրցութային հիմունքներով: Մրցույթի հանձնաժողովի կազմում ընդգրկված են Դպրոցի ուսուցողական միջոցառումների վարումն իրականացնող մասնագետները: Հանձնաժողովի կողմից հավանության արժանացած հայտատուները կստանան «Նորարարությունների կառավարում» I միջազգային երիտասարդական գիտական դպրոցի աշխատանքներին մասնակցելու հրավեր: Մրցույթին մասնակցելու համար անհրաժեշտ է մինչև 2015թ. սեպտեմբերի 5-ը ներառյալ լրացնել մասնակցության հայտը հետևյալ հղումով https://goo.gl/Z1TMBC :
Մասնակիցների քանակը սահմանափակ է: