Join ARMACAD Today

Join over 100,000 researchers, students and professionals.

Subscribe and get new opportunities every day.

Sign Up


«Վերաիմաստավորելով 20-րդ դարի Հայոց պատմությունը». պատմագիտական հետազոտությունների իրականացման դրամաշնորհային մրցույթ 2020, Հասրաթյան-Մինասյան հիմնադրամ


Deadline:

February 15, 2020


Opportunity Cover Image - «Վերաիմաստավորելով 20-րդ դարի Հայոց պատմությունը». պատմագիտական հետազոտությունների իրականացման դրամաշնորհային մրցույթ 2020, Հասրաթյան-Մինասյան հիմնադրամ

«ՎԵՐԱԻՄԱՍՏԱՎՈՐԵԼՈՎ 

20-ՐԴ ԴԱՐԻ ՀԱՅՈՑ ՊԱՏՄՈՒԹՅՈՒՆԸ»

«Հասրաթյան-Մինասյան հիմնադրամը» հայտարարում է պատմագիտական հետազոտությունների իրականացման հայտերի ընտրության մրցույթ։

Հայտերի ընդունման վերջնաժամկետը՝ փետրվարի 15, 2020 

Արդյունքների ամփոփումը՝ մարտի 2, 2020 

Դրամաշնորհի չափը՝ 5,000-10,000 ԱՄՆ դոլար

ՀԻՄՆԱԴՐԱՄԻ ՄԱՍԻՆ

«Հասրաթյան-Մինասյան հիմնադրամը» ստեղծվել է 2019 թվականի փետրվարին՝ ի հիշատակ անվանի գիտնական, քաղաքական գործիչ Միքայել Մինասյանի և ճարտարապետ, քաղաքական գործիչ Գրիգոր Հասրաթյանի: Հիմնադրամի նպատակն է Հայաստանում, Արցախում և Սփյուռքում արվեստի, մշակութային ժառանգության պահպանումը, տարածումն ու մշակույթի բնագավառում միջազգային համագործակցության զարգացումը:

Հիմնադրամի «Մինասյան» կենտրոնն իրականացնում է պատմագիտական հետազոտություններ: Կենտրոնի նպատակներից է պատմաբանների համայնքին պատմագիտության ֆունկցիոնալ կարևորության մասին լրացուցիչ ազդակ հաղորդելը, մեր ժողովրդի անցած պատմական հետագծի և հատկապես 20-րդ դարի առանձին դրվագների քննական վերաիմաստավորումը։ Կենտրոնի հետազոտությունների հիմնական նպատակը պատմության նորովի ուսումնասիրության միջոցով Հայաստանի առջև ծառացած ժամանակակից մարտահրավերներին դիմակայելու ուղիներ գտնելն է։ Կենտրոնը մտադիր է ուսումնասիրությունների շնորհիվ նաև խթանել ժամանակակից հայոց պատմության վերաբերյալ հանրային քննարկումների և գիտական բանավեճի ծավալումը։ 

Այս նպատակներն իրագործելու համար կենտրոնը նպատակ ունի իրականացնել հետևյալ ծրագրերը. 

  • Համաժողովների կազմակերպում միջազգային ճանաչում ունեցող քաղաքագետների ու պատմաբանների մասնակցությամբ,

  • Անհատական կամ խմբային դրամաշնորհների տրամադրում,

  • Պատմագիտության ու քաղաքական մտքի զարգացման նպատակով հետազոտությունների հրապարակում պատմության առանձին էջերի, գրականության, մեդիաբովանդակության վերլուծությունների, արվեստի (նկարչություն, ֆիլմարտադրություն և այլն) թեմաներով,

  • Ուսանողների և հետազոտողների համար դասախոսությունների կազմակերպում,

  • Հատուկ հարթակի ստեղծում, որտեղ կքննարկվեն պատմաբանների մասնագիտությանն ու պրակտիկային առնչվող թեմաներ: 

«ՄԻՆԱՍՅԱՆ» ԿԵՆՏՐՈՆԸ ՊԱՏՐԱՍՏ Է ԱՋԱԿՑԵԼ ՀԵՏԵՎՅԱԼ ԹԵՄԱՆԵՐՈՎ ԳԻՏԱԿԱՆ ՀԵՏԱԶՈՏՈՒԹՅՈՒՆՆԵՐԻ ԻՐԱԿԱՆԱՑՄԱՆԸ՝

  • Հայկական ազգայնականությունը 20-րդ դարում,

  • Կարծրատիպերը և նախապաշարմունքները հայոց պատմագիտական խոսույթում (19-րդ դարի վերջ - 20-րդ դար),

  • 20-րդ դարի հեղափոխություններն ու հայերը,

  • Հայոց պատմության մեջ էլիտայի դերն ու դրա փոխակերպումները (19-րդ դարի վերջ - 20-րդ դար),

  • Հայրենադարձությանը և ժողովրդագրությանն առնչվող խնդիրներ (20-21-րդ դարեր),

  • Հայ-ռուսական հարաբերությունները 20-րդ դարում,

  • Հայ Առաքելական եկեղեցի. կրոնական և աշխարհիկ հիմնախնդիրները 20-րդ դարում,

  • Ազգային շահի և ազգային գերակայությունների հիմնախնդիրները,

  • Խորհրդային Հայաստանի պատմության վերագնահատման խաչմերուկներում,

  • Հայությունն ինքնությունների խաչմերուկներում,

  • Հայերն ու կայսրությունները (Օսմանյան, Սեֆյան, Ռոմանովյան), 

  • Ժամանակակից հայկական սփյուռքը,

  • Հայերը Մերձավոր Արևելքում:

ԻՆՉՊԵՍ ԴԻՄԵԼ

Հայտերն ընդունվում են անգլերեն, Word կամ PDF ձևաչափերով։ Հայտում պետք է նշված լինեն հետևյալ կետերը.

  • Ուսումնասիրվող թեմայի համառոտ նկարագիրը (մինչև 1,500 բառ), որը պետք է ներառի՝

  • հետազոտության թեման (արդիականությունը, գիտական հարցադրումը),

  • հետազոտության մեթոդաբանությունը,

  • տեսական շրջանակ(ներ)ը,

  • ակնկալվող արդյունքները,

  • հայտատուի (խմբային հայտի դեպքում՝ բոլոր մասնակիցների) CV-ն՝ մինչև 5 էջ,

  • հրատարակված հետազոտությունների ցանկը,

  • հետազոտության իրականացման ժամանակացույցը,

  • պահանջվող ֆինանսավորման չափը:

«Մինասյան» կենտրոնը մեծապես կարևորում է ներկայացված հայտերի, գիտական աշխատանքի իրականացման և վերջնարդյունքի համապատասխանությունը միջազգային չափանիշերին։ Դրամաշնորհին կարող են դիմել թե՛ փորձառու գիտնականներ, թե՛ երիտասարդ մասնագետներ:

Կդիտարկվեն նաև այն հայտերը, որոնք «Մինասյան» կենտրոնի թվարկած թեմաների և ավելի լայն հետազոտությունների միջակայքում են:

ՀԱՅՏԵՐԸ MINASYANSERIES@HMF.AM ԷԼՓՈՍՏԻՆ ՈՒՂԱՐԿԵԼ ՄԻՆՉԵՎ 2020 Թ. ՓԵՏՐՎԱՐԻ 15-Ը:

Դրամաշնորհ ստացած մասնակիցները 2020 թվականի ՀՈՒՆԻՍԻ 30-ին և ՆՈՅԵՄԲԵՐԻ 30-ին պետք է ներկայացնեն հետազոտության իրականացման առաջընթացի մասին երկու զեկույց (մինչև 2,000 բառ):

Դրամաշնորհ ստացած մասնակիցները հետազոտության վերջնական աշխատանքը (մինչև 50,000 բառ) պետք է ներկայացնեն մինչև 2021 թվականի ՄԱՐՏԻ 1-ը:


Host Country
Opportunities
Publish Date
January 14, 2020




0 Comments


Subscribe to our newsletter

and receive information about international academic and professional opportunities

scholarships, summer schools, conferences, grants, fellowships, trainings


Sign Up