ԵՊՀ Գենդերային հետազոտությունների և առաջնորդության կենտրոնը հայտարարում է կարճաժամկետ դասընթացի ընդունելություն՝ «PR-հաղորդակցությունները բիզնեսում» կուրսի համար:
Դասընթացի ավարտին մասնակիցներին կտրվի ԵՊՀ ԳՀԱԿ վկայական:
Տվյալ դասընթացի ընթացքում մասնակիցներին կմատուցվի բովանդակալի նյութ դասախոսությունների տեսքով, կքննարկվեն հետաքրքիր և ուսանելի օրինակներ, կներկայացվի հարուստ գրականության ցանկ, որը կվերաբերի քննարկվելիք խնդիրներին:
Ունկնդիրները ոչ միայն կքննարկեն առաջադրվող հարցերը, այլև կփորձարկեն ստացված գիտելիքները դերային խաղերի կամ անհատական հանձնարարությունների ընթացքում:
Դասընթացը դեմ-առ-դեմ տարբերակով կտևի 6 շաբաթ, 12 օր դեմ առ դեմ (12 հանդիպում` 2-ական ժամ) , մասնակիցներին կտրվեն գրավոր հանձնարարություններ, որոնք կստուգվեն և կգնահատվեն:
Դասընթացի կառուցվածքը`
-մինի-դասախոսություն,տեսական նյութի, հիմունքների ներկայացում
-օրինակների վերլուծություն
-քննարկում, կարծիքների փոխանակում
-գործնական առաջադրանք, դերային խաղ
Դասընթացի արժեքը՝ 30.000 ՀՀ դրամ:
Դասընթացը կվարի՝ սոց. գիտ. թեկնածու, ԵՊՀ սոցիոլոգիայի ֆակուլտետի, Սոցիալական աշխատանքի և սոցիալական տեխնոլոգիաների ամբիոնի դոցենտ, «SPRING PR» ընկերության համահիմնադիր Նվարդ Մելքոնյանը:
Դասընթացը կմեկնարկի ապրիլի 23-ից:
Դասընթացները կանցկացվեն յուրաքանչյուր երկուշաբթի և չորեքշաբթի օրերին՝ ժամը 16:00-18:00:
Դասընթացներին դիմելու համար անհրաժեշտ է ուղարկել ինքնակենսագրականը և անձնագրի/ID քարտի էլեկտրոնային տարբերակը cgls@ysu.am հասեցին:
Դիմելու վերջնաժամկետը՝ ապրիլի 15:
Առավել մանրամասն՝ https://www.facebook.com/events/1645006195569044/
This opportunity has expired. It was originally published here:
http://ysu.am/calendar/hy/1522844606