2016-2017 ուսումնական տարում Հայ-Ռուսական (Սլավոնական) համալսարանը հայտարարում է ընդունելություն «Իրանագիտություն» և «Հնդկագիտություն» մագիստրոսական ծրագրերով:
ՀՌՀ-ում վերոհիշյալ արևելագիտական ուղղություններով մագիստրոսական ծրագրերի հիմնումը նպատակ ունի պատրաստել իրանագետներ և հնդկագետներ` համադրելով ինչպես ակադեմիական արևելագիտության լավագույն ավանդույթները, այնպես էլ տարածաշրջանի արդի քաղաքական, տնտեսական և մշակութաբանական վերլուծության մեթոդաբանությունը: Առարկաների լայն ցանկը, ընդ որում կամընտրական, թույլ է տալիս անհատական մոտեցում ցուցաբերել մագիստրոսներին և հաջողությամբ համադրել ընդհանուր արևելագիտական ուսուցումը ուսանողների նեղ մասնագիտական հակումների հետ` կենտրոնանալով առանձին ճյուղերի (ժամանակակից պատմություն, քաղաքագիտություն, տնտեսագիտություն, կրոնագիտություն, ազգաբանություն, արևելյան բանասիրություն և այլն) վրա:
Արևելագիտական կրթական համակարգի կարևոր բաղկացուցիչներն են, անշուշտ, Արևելյան քաղաքակրթության տեսլականի ձևավորումը, արդի էթնոմշակութային և քաղաքական զարգացումների ի մոտո ընկալման ու գիտական մեկնության կարողությունների զարգացումը:
ՀՌՀ-ում «Իրանագիտություն» և «հնդկագիտություն» ուսումնական ծրագրերի որակյալ և միջազգային չափանիշներին համապատասխան կրթության ապահովումը ենթադրում է.
-Լուրջ պրոֆեսորա-դասախոսական անձնակազմի առկայություն, որն ընդգրկում է գիտամանկավարժական հարուստ փորձ ունեցող աշխարհահռչակ գիտնականներ (ինչպես Հայաստանից, այնպես էլ արտասահմանյան հայտնի արևելագիտական կենտրոններից), փորձագետներ, արևելյան լեզուների կրողներ և այլն:
-Ուսանողների պրակտիկայի և վերապատրաստման հնարավորություն ուսումնասիրվող երկրներում:
-Համատեղ գիտական ծրագրերին և միջազգային գիտաժողովներին մասնակցություն, ուսումնական գործընթացի և մասնագիտական պրակտիկայի համատեղում,
-Լավագույն արևելագիտական հրատարակչություններից ստացված եզակի ու հարուստ մասնագիտական գրադարանի առկայություն` արևելյան և արևմտյան լեզուներով,
-Էլեկտրոնային նյութերի և նորագույն տեղեկատվության լայն հասանելիություն:
Շրջանավարտները ստանում են Հայաստանի Հանրապտության և Ռուսաստանի Դաշնության դիպլոմներ (վկայագրեր):
Ցանկացողներին տրվում է հնարավորություն մասնակցել նաև ռուսերենի դասավանդմանը` ոսուցմանը զուգահեռ:
Հայաստանի և ԱՊՀ երկրների քաղաքացիների համար` ուսման տարեկան վարձը` 500,000դրամ: Օտարերկրյա քաղաքացիների համար ուսման վարձը կազմում է 750,000 դրամ:
Բոլոր հարցերով դիմել ՀՌՀ Ընդունելության հանձնաժողով (http://admission.rau.am/rus/538/3478) կամ ծրագրի անմիջական ղեկավարներին (indoiranicarau@gmail.com):