Հայ օգնության ֆոնդը (ՀՕՖ) Երևանի պետական համալսարանի Հայագիտական հետազոտությունների ինստիտուտի Ցեղասպանագիտություն մագիստրոսական ծրագրի առաջին կուրսի ուսանողների համար հայտարարում է մրցույթ, որի արդյունքում 2 կրթավճար կտրամադրվի ՀՕՖ-ի ամերիկահայ բարերարներ Մայքլ Հալաջյանի և Գևորգ Նիկսարլիի կողմից հատկացրած միջոցներից:
Մրցույթին կարող են մասնակցել այն ուսանողները, ովքեր`
- ընդունվել են Երևանի պետական համալսարանի Հայագիտական հետազոտությունների ինստիտուտի Ցեղասպանագիտություն մագիստրոսական ծրագրի առաջին կուրս,
- ունեցել են բարձր առաջադիմություն բակալավրի ծրագրով սովորելու տարիներին/լավ և գերազանց գնահատականներ/,
- սոցիալապես անապահով ընտանիքներից են:
Մրցույթին մասնակցելու կարգը
Վերոնշյալ պայմաններին համապատասխանող ուսանողները ցանկության դեպքում կարող են մինչև 2015թ. սեպտեմբերի 1 -ը ներառյալ ք. Երևան, Մովսես Խորենացի 22 հասցեում գտնվող ՀՕՖ-ի Հայաստանի մասնաճյուղ ներկայացնել հետևյալ փաստաթղթերը`
- դիմում (ձևը կարող եք վերցնել ՀՕՖ-ից և մագիստրատուրայի բաժնից),
- անձնագրի պատճեն,
- 1 լուսանկար (3x4 սմ չափսի),
- տեղեկանք ԲՈւՀ-ից մագիստրատուրայի հավակնորդ լինելու մասին,
- բակալավրի աստիճանի դիպլոմի պատճեն ու հավելվածը,
- տեղեկանք ծնողների աշխատավայրից նրանց պաշտոնի և աշխատավարձի չափի վերաբերյալ, եթե չեն աշխատում` տեղեկանք զբաղվածության տարածքային կենտրոնից կամ աշխատանքային գրքույկի պատճեն:
- նպատակի հիմնավորում` հակիրճ ներկայացնել Ձեր կենսագրությունը, Ձեր ունեցած հաջողությունները, ինչու եք ընտրել տվյալ մասնագիտությունը և ինչպես եք կիրառելու ստացված գիտելիքները ապագայում, նշել նաև քաղաքացիական մասնակցության, գիտական աշխատանքներում ներգրավվածության մասին (1 համակարգչային էջի սահմաններում):
Ուշադրություն`
Թերի փաթեթները չեն դիտարկվում, ներկայացված փաստաթղթերը հետ չեն վերադարձվում:
Ընտրությունը տեղի է ունենալու 3 փուլով.
- Փաստաթղթային փաթեթի քննարկում
- Հարցազրույց
- Անհրաժեշտության դեպքում կիրականացվի տնայց:
Սույն ծրագրում ուսանողի ընդգրկման վերջնական որոշումը կայացնելու է ՀՕՖ-ի կրթական ծրագրերի հանձնաժողովը, որից հետո ուսանողի և ՀՕՖ-ի միջև կկնքվի պայմանագիր:
Լրացուցիչ տեղեկությունների համար կարող եք զանգահարել ծրագրի համակարգող Էդուարդ Կարապետյանին հետևյալ հեռախոսահամարով` +347 60 52 66 60 :