Որքան վաղ հասակում է երեխան սկսում երկրորդ լեզուն սովորել, այնքան ավելի շատ է հավանականությունը, որ նա հետագայում կատարելապես կտիրապետի լեզվին: Այդ իսկ պատճառով, Բրիտանական խորհուրդն առաջարկում է մեկամսյա ինտենսիվ դասընթաց երեխաների համար, որի նպատակն է օգնել երեխաներին իրենց հարմարավետ զգալ նոր լեզվով հաղորդակցվելիս:
Օգտագործելով պատմություններ, երգեր, խաղեր և այլ միջոցառումներ`անգլերեն լեզվի մեր դասընթացներին մասնակցելը նրանց համար կդառնա հաճելի փորձառություն:
Ի՞նչ ենք մենք առաջարկում:
Մեր դասընթացին երեխաները կսովորեն անգլերեն` հաղորդակցվելով ուսուցչի և իրենց դասընկերների հետ: Մեր առաջարկը ներառում է`
- անգլերենի դասընթաց շաբաթական չորս անգամ երկու ժամ տևողությամբ,
- հետաքրքիր և ինտերակտիվ դասընթաց մասնագիտացված ուսուցչի կողմից,
- անգլերենի ուսուցում պատմությունների, երգերի և խաղերի միջոցով,
- վարժություններ, որոնք զվարճալի են և ուսուցողական,
- մշտական կապ ուսուցչի և ծնողի միջև, որը հնարավորություն է տալիս հետևել երեխայի առաջընթացին:
Ո՞ւմ համար են դասընթացները:
Մենք առաջարկում ենք դասընթացներ հետևյալ խմբերի համար`հաշվի առնելով նրանց տարիքը և լեզվի իմացությունը:
- Սկսնակ`դասընթացներ 5-7 տարեկան երեխաների համար
- Տարրական` դասընթացներ 8-9 տարեկան երեխաների համար.
Վկայականներ
Բոլոր մասնակիցները կստանան մասնակցության վկայական և անհատական հաշվետվություն դասընթացի ավարտից հետո:
Ինչպե՞ս գրանցվել դասընթացին
1. Լրացրեք դիմումի ձևը:
2. Ուղարկեք դիմումի լրացված ձևը հաճախորդների սպասարկման պատասխանատու Օլգա Խալաթյանին` olga.khalatyan@britishcouncil.am հասցեին: Դիմումի ձևը կարող եք ուղարկել լեզվի իմացության գնահատման թեստից հետո:
3. Դիմումի ձևն ուղարկելուց հետո երեք աշխատանքային օրվա ընթացքում կատարեք վճարումը` 90,000 ՀՀ դրամ:
4. Վճարումը պետք է կատարել բանկային փոխանցմամբ:
HSBC Bank Armenia
001-146026-050
Պատճառ`Վճարում անգլերեն լեզվի ամառային դասընթացի համար (ծնողի անուն ազգանուն)
5. Վճարումը կատարելուց հետո ուղարկեք վճարման կտրոնը olga.khalatyan@britishcouncil.am հասցեին, որից հետո ձեր երեխայի մասնակցությունը կհաստատվի և կուղարկվեն հետագա մանրամասները:
Լեզվի իմացության գնահատում
Դասընթացին գրանցվելուց առաջ մենք անցկացնում ենք լեզվի իմացության գնահատում: Եթե ձեր երեխան`
- Սկսնակ է, ապա մենք չենք անցկացնի լեզվի իմացության ստուգում: Եթե դուք կարծում եք, որ ձեր երեխան տիրապետում է լեզվին A1 մակարդակին համապատասխան կամ ավելի բարձր, ապա մենք կանցկացնենք լեզվի ստւգում:
- Տարրական խմբում է, ապա նրանք կմասնակցեն անվճար թեստին` հասկանալու նրանց մակարդակը:
Թեստին գրանցվելու համար, խնդրում ենք, կապ հաստատել հաճախորդների սպասարկման պատասխանատու Օլգա Խալաթյանի հետ` զանգահարելով 010552945 ն.հ. 5101 կամ գրելով olga.khalatyan@britishcouncil.am հասցեին:
Ովքե՞ր են մեր ուսուցիչները
Մեր ուսուցիչները փորձառու, որակավորված մասնագետներ են, ինչը հնարավորություն է տալիս, որպեսզի ձեր երեխան սովորի անգլերեն`հաշվի առնելով արդի պահանջները:
Մեր ուսուցիչները մասնակցել են երեխաների պաշտպանության դասընթացին և գիտակցում են, որ երեխաների պաշտպանությունն առաջնային կարևորության է: Մենք համոզված ենք, որ երեխաները լավագույնս կսովորեն այն վայրում, ուր իրենց զգում են երջանիկ և անվտանգ:
Փոխհատուցման քաղաքականություն
Թեպետ ամեն ինչ արվում է, որպեսզի դասընթացները տեղի ունենան ըստ ժամանակացույցի, այնուամենայնիվ Բրիտանական խորհուրդն իրավունք է վերապահում հետաձգել կամ չիրականացնել այն, եթե մասնակիցների նվազագույն քանակությունը չի ապահովվել: Եթե մենք չկազմակերպենք դասընթացը, ապա ձեզ կվերադարձնենք գումարը:
1.Եթե Դուք ցանկանում եք չեղյալ հայտարարել Ձեր երեխայի մասնակցությունը գրանցվելուց հետո, ապա պետք է Բրիտանական խորհրդի հետ կապ հաստատեք դասընթացի մեկնարկից նվազագույնը մեկ շաբաթ առաջ: Այդ պարագայում ձեզ կվերադարձվի ողջ գումարը: Այս ժամկետից հետո մեզ հետ կապ հաստատելու դեպքում ձեր խնդրանքը հաշվի չի առնվի, եթե չհամապատասխանի երկրորդ կետին:
2.Այն մասնակիցները, որոնք իրենց գրանցումը չեղյալ են հայտարարում դասընթացից առաջ մեկ շաբաթվա ընթացքում, կստանան փոխհատուցում, եթե փաստաթուղթ ներկայացնեն, որ չեղյալ հայտարարելը կապված է ստորև ներկայացված դեպքերի հետ:
•Հիվանդություն` հիվանդանոց ընդունվել կամ լուրջ վնասվածք
•Կորուստ` ընտանիքի անդամի կամ հարազատի մահ
•Դժբախտ պատահար` հանցանք, ավտովթար
•Զինվորական ծառայություն
Ձեզ փոխհատուցվող գումարից, սակայն կպահվի 25 տոկոսը` որպես վարչական ծախս: Պետք է ներկայացնել միայն փաստաթղթերի բնօրինակները: Հակառակ դեպքում փոխհատուցում տեղի չի ունենա:
Առավելություններ
- Ձեր երեխայի առաջընացի վերաբերյալ տեղեկության տրամադրում
Մենք շարունակաբար իրականացնելու ենք դասընթացի գնահատում և ծնողներն ստանալու են առաջընթացի վերաբերյալ հաշվետվություն դասընթացի ավարտին: Ուսուցիչները, իրենց հերթին, պատրաստ են քննարկել երեխայի առաջընթացը ծնողների հետ:
- Մասնակիցների քանակը
Դասընթացի մասնակիցների առավելագույն քանակը 12-ն է: Սա այն քանակն է, որը հնարավորություն կտա ուսուցչին հետևել յուրաքանչյուր երեխայի առաջընթացին:
- Անվտանգություն
Ոչ մի երեխա չի կարողանա դուրս գալ շենքից առանց ծնողի թույլտվության: Ծանոթացեք երեխաների պաշտպանության մեր քաղաքականությանը:
- Հարգանք
Մենք հավատում ենք, որ բոլոր երեխաներն ունեն ներուժ և, որ յուրաքանչյուր երեխա կարևոր է ու նշանակալից աշխարհի ցանկացած անկյունում: