«Երկուսով աշխատանքի համար» ծրագրի մասնակիցների հայտագրում, «ԿԱԶԱ» շվեյցարական մարդասիրական հիմնադրամ

 

«Երկուսով աշխատանքի համար» ծրագիր

«ԿԱԶԱ» շվեյցարական մարդասիրական հիմնադրամը աշխատանք փնտրող անձանց հրավիրում է մասնակցելու  «Երկուսով աշխատանքի համար» ծրագրին:

Ծրագրի նպատակն է կամավորների միջոցով աջակցել աշխատանք փնտրող երիտասարդներին աշխատաշուկա մուտք գործելու և աշխատանքային հմտությունների զարգացման հարցերում:

Ծրագրի շրջանակներում զբաղվածության ոլորտում համապատասխան վերապատրաստում անցած կամավորները աջակցում են ծրագրի շահառուներին աշխատանք որոնելու և գտնելու հարցում՝ տրամադրելով նրանց անհրաժեշտ տեղեկություններ թափուր աշխատատեղերի որոնման, դրանց դիմելու կարգի, անհրաժեշտ փաստաթղթերի պատրաստման և այլ թեմաների վերաբերյալ:

Ծրագրի մասնակիցներ կարող են դառնալ բոլոր այն անձինք, ովքեր.

• 20-35 տարեկան են,

• Ցանկանում են աշխատել,

• Դժվարանում են աշխատանք գտնելու հարցում,

• Ցանկանում են զարգացնել իրենց աշխատանքային հմտությունները,

• Սիրում են սովորել այլ երիտասարդներից,

• Ցանկանում են մասնակցել մի ծրագրի, որտեղ երիտասարդ մենթորը կօգնի աշխատանք գտնելու հարցում՝ տրամադրելով անհրաժեշտ տեղեկություններ թափուր աշխատատեղերի որոնման, դրանց դիմելու կարգի, անհրաժեշտ փաստաթղթերի պատրաստման եւ այլ թեմաների վերաբերյալ,

• Պատրաստ են շաբաթական առնվազն  5 ժամ տրամադրել ծրագրին և մենթորի հետ աշխատանքին:

Ծրագրին մասնակցությունն անվճար է, քանի որ այն ֆինանսավորվում է «ԿԱԶԱ» շվեյցարական մարդասիրական հիմնադրամի կողմից:

Ծրագրի տևողությունը 8 ամիս է:

Մասնակիցների ընտրությունը կատարվում է մրցութային հիմքով, երկրորդ փուլ անցած թեկնածուները կհրավիրվեն հարցազրույցի:

Ծրագրին մասնակցելու համար խնդրում ենք գրանցվել մինչև նոյեմբերի 15-ը ներառյալ լրացնելով այս հայտը կամ զանգահարելով 010 54 18 44 հեռախոսահամարներով: