«Միացի՛ր համայնքին» ծրագրի կամավորների հավաքագրում
«ԿԱԶԱ» շվեյցարական մարդասիրական հիմնադրամը «Միացի՛ր համայնքին» ծրագրի շրջանակում հայտարարում է կամավորների հավաքագրում։ Ծրագրի նպատակն է ստեղծել միջմշակութային հաղորդակցության հարթակ «Հատուկ կացարան»-ի բնակիչների համար, օգնել նրանց բարելավել հայերենի իմացությունը, ինչպես նաև ծանոթանալ Հայաստանի մշակութային ժառանգությանը և ավանդույթներին:
«Հատուկ կացարանի» բնակիչները փախստականի կամ ապաստան հայցողի կարգավիճակ ունեցող անհատներ կամ ընտանիքներ են, ովքեր Հայաստան են տեղահանվել տարբեր երկրներից:
Կամավորից պահանջվող որակավորումներն ու հմտությունները.
-
Տիրապետել հետևյալ լեզուներից առնվազն մեկին – ռուսերեն, անգլերեն, իսպաներեն, արաբերեն, պարսկերեն, թուրքերեն
-
Ունենալ միջմշակութային միջավայրում աշխատելու փորձ
-
Տիրապետել բանավոր հաղորդակցության հմտություններին
-
Ունենալ կոնֆլիկտների հաղթահարման հմտություն
-
Խմբավարության, թիմային աշխատանքի փորձը կդիտվի որպես առավելություն
-
Խոցելի խմբերի հետ աշխատանքը կդիտվի որպես առավելություն:
Ծրագրի տևողությունը 10 ամիս (մարտից դեկտեմբեր) է՝ ամսական 10-15 ժամ ծանրաբեռնվածությամբ: Կամավորը կազմակերպելու և անց է կացնելու ակումբային ձևաչափի հանդիպումներ, ինչպես նաև մասնակցելու է «Հատուկ կացարանի» տարածքում նախատեսվող նախաձեռնությունների իրականացմանը:
Ծրագրի սկզբում կամավորները կանցնեն համապատասխան վերապատրաստում: Ծրագրի ավարտին նրանց կտրվի վկայական։
Ծրագիրն իրականացվում է «ԿԱԶԱ» շվեյցարական մարդասիրական հիմնադրամի կողմից` ՄԱԿ-ի փախստականների հարցերով գերագույն հանձնակատարի գրասենյակի աջակցությամբ:
Եթե ցանկանում եք մասնակցել ծրագրին որպես կամավոր, խնդրում ենք լրացնել կից հայտադիմումը մինչև հունվարի 31-ը ներառյալ։
Ուշադրություն, ծրագրի մասնակցության համար դիտարկվելու են առաջին 100 հայտադիմումները: Միայն ընտրված մասնակիցները կհրավիրվեն հարցազրույցի: