Join ARMACAD Today

Join over 100,000 researchers, students and professionals.

Subscribe and get new opportunities every day.

Sign Up


Հայտնի են սեպտեմբերին IELTS փորձնական թեստի անցկացման ժամկետները, Բրիտանական խորհուրդ, Հայաստան

British Council



Opportunity Cover Image - Հայտնի են սեպտեմբերին IELTS փորձնական թեստի անցկացման ժամկետները, Բրիտանական խորհուրդ, Հայաստան

Հանձնեք IELTS փորձնական թեստ

Ցանկանո՞ւմ եք ակադեմիական/ընդհանուր IELTS թեստ հանձնել, բայց հնարավորություն չեք ունեցել նախապես պատրաստվել: Կամ գուցե՞ պատրաստվել եք թեստին, սակայն չգիտեք, թե ինչպես է անցնում իրական քննությունը: 

Բրիտանական խորհուրդն առաջարկում է հանձնել փորձնական ակադեմիական/ընդհանուր IELTS թեստ և զարգացնել քննություն հանձնելու հմտությունները: 

Հանձնեք փորձնական IELTS թեստ, ինչպես իրական քննության ժամանակ, որից հետո մեր փորձառու ուսուցիչները ձեզ կներկայացնեն իրենց ամբողջական կարծիքը ձեր հմտությունների ու գիտելիքների վերաբերյալ: 

Փորձնական թեստ հանձնելը ձեզ հնարավորություն կտա`

  • ծանոթանալ թեստի ձևաչափին, 
  • ծանոթանալ հարցերին ու տեքստերին,
  • ստուգել ձեր գիտելիքները սահմանված ժամանակում,
  • ստուգել ձեր պատասխանները և ստանալ որակավորված ուսուցչի կարծիք: 

Ձևաչափ

  • Օր առաջին (Շաբաթ օրերին)` Գրանցված թեկնածուները կհանձնեն լսելու, ընթերցանության և գրավոր բաժիններն առանց ընդմիջման: 
  • Օր երկրորդ (Երեքշաբթի օրերին)` Բանավոր բաժինը, ինչպես և իրական քննության ժամանակ, կանցկացվի հաջորդ օրը և այն կհամակարգի IELTS թեստի ուսուցիչը: 
  • Օր երրորդ (Հինգշաբթի/Ուրբաթ օրերին)` Քննությունից հետո թեկնածուները կմասնակցեն երկու ժամ տևողությամբ հանդիպման, որի ընթացքում ուսուցիչը կներկայացնի իր կարծիքն թեկնածուների հմտությունների վերաբերյալ: 

Փորձնական թեստի անցկացման վայրի ու ժամի մասին տեղեկությունը կուղարկվի ձեզ էլեկտրոնային նամակով գրանցումից հետո:

Փորձնական IELTS քննության ժամանակացույց

Ակադեմիական IELTS քննություն

Առաջին սեսիա 

Փորձնական ակադեմիական IELTS թեստ (լսել, ընթերցանություն և գրավոր)    19 օգոստոսի
Բանավոր բաժին    22 օգոստոսի
Ուսուցչի հետ հանդիպում    24 օգոստոսի

Երկրորդ սեսիա

Փորձնական ակադեմիական IELTS թեստ (լսել, ընթերցանություն և գրավոր)   2 սեպտեմբերի
Բանավոր բաժին   5 սեպտեմբեր
Ուսուցչի հետ հանդիպում   7 սեպտեմբերի

Երրորդ սեսիա

Փորձնական ակադեմիական IELTS թեստ (լսել, ընթերցանություն և գրավոր)   16 սեպտեմբերի
Բանավոր բաժին   19 սեպտեմբեր
Ուսուցչի հետ հանդիպում   21 սեպտեմբերի

Ընդհանուր IELTS քննություն

Առաջին սեսիա 

Փորձնական ընդհանուր IELTS թեստ (լսել, ընթերցանություն և գրավոր)   26 օգոստոսի
Բանավոր բաժին   29 օգոստոսի
Ուսուցչի հետ հանդիպում   31 օգոստոսի

Երկրորդ սեսիա

Փորձնական ընդհանուր IELTS թեստ (լսել, ընթերցանություն և գրավոր)    9 սեպտեմբերի
Բանավոր բաժին   12 սեպտեմբերի
Ուսուցչի հետ հանդիպում   14 սեպտեմբերի

Երրորդ սեսիա

Փորձնական ընդհանուր IELTS թեստ (լսել, ընթերցանություն և գրավոր)   23 սեպտեմբերի
Բանավոր բաժին   26 սեպտեմբերի
Ուսուցչի հետ հանդիպում   28 սեպտեմբերի

Խնդրում ենք հաշվի առնել

  • Ուսուցչի հետ հանդիպումը տևում է երկու ժամ և նպատակն է ձեզ տրամադրել ամբողջական և մանրամասն տեղեկություն ձեր գիտելիքների ու հմտությունների վերաբերյալ: Խնդրում ենք, ժամանակին ներկայանալ հանդիպմանը և առավելագույն օգուտ քաղել: Մենք խորհուրդ ենք տալիս բաց չթողնել այս հանդիպումը, քանի որ այն անչափ կարևոր է ձեր գիտելքիների մակարդակը հասկանալու համար:
  • Ուսուցչի հետ հանդիպման ընթացքում դուք թեստի միավոր չեք ստանում: Միայն IELTS թեստի պաշտոնական քննություն անցկացնողներն են իրավասու ձեզ տալ ձեր թեստի ճիշտ և հավաստի միավորները: Այնուամենայնիվ, ուսուցիչը ձեզ կտրամադրի համապարփակ կարծիք ձեր թեստի վերաբերյալ, ինչպես նաև մոտավոր միավորներ` օգտվելով հաշվարկման աղյուսակից: Այդ միավորը կարող է տարբերվել իրական թեստի արդյունքից: 

Գրանցում և վճարում

  1. Լրացրեք գրանցման ձևը: Այն կարող եք լրացնել մեր գրասենյակում, կամ ներբեռնել ստորև:  
  2. Ուղարկեք գրանցման ձևը Անգլերենի ծրագրերի ղեկավար Ադդեհ Հովասափյանին addeh.hovassapian@britishcouncil.am էլ. հասցեով:  
  3. Դիմումի ձևն ուղարկելուց հետո` երեք աշխատանքային օրվա ընթացքում, վճարեք փորձնական թեստի արժեքը, որը կազմում է 10.000 դրամ: 
  4. Վճարումը պետք է կատարել միայն բանկային փոխանցմամբ: 

HSBC Bank Armenia

001-146026-050

Reason: Payment for MT-IELTS by (candidate's full name)

5.Վճարումը կատարելուց հետո ուղարկեք վճարման կտրոնը addeh.hovassapian@britishcouncil.am էլ հասցեին: Ձեր մասնակցությունը կհաստատվի և ձեզ կուղարկվի հետագա հրահանգները: 

Կարգավորումներ և փոխհատուցում

Թեպետ ամեն ինչ արվում է, որպեսզի փորձնական թեստը տեղի ունենա ըստ ժամանակացույցի, այնուամենայնիվ Բրիտանական խորհուրդն իրավունք է վերապահում հետաձգել կամ չիրականացնել այն, եթե մասնակիցների նվազագույն  քանակությունը չի ապահովվել: Եթե մենք չկազմակերպենք թեստը, ապա ձեզ կվերադարձնենք գումարը: 

  1. Եթե Դուք ցանկանում եք չեղյալ հայտարարել Ձեր մասնակցությունը թեստին գրանցվելուց հետո, ապա պետք է Բրիտանական խորհրդի հետ կապ հաստատեք թեստի օրից նվազագույնը մեկ շաբաթ առաջ: Այդ պարագայում ձեզ կվերադարձվի ողջ գումարը: Այս ժամկետից հետո մեզ հետ կապ հաստատելու դեպքում ձեր խնդրանքը հաշվի չի առնվի, եթե չհամապատասխանի երկրորդ կետին: 
  2. Այն մասնակիցները, որոնք իրենց գրանցումը չեղյալ են հայտարարում թեստից առաջ մեկ շաբաթվա ընթացքում, կստանան փոխհատուցում, եթե փաստաթուղթ ներկայացնեն, որ չեղյալ հայտարարելը կապված է ստորև ներկայացված դեպքերի հետ:
  • Հիվանդություն` հիվանդանոց ընդունվել կամ լուրջ վնասվածք
  • Կորուստ` ընտանիքի անդամի կամ հարազատի մահ
  • Դժբախտ պատահար` հանցանք, ավտովթար
  • Զինվորական ծառայություն

Ձեզ փոխհատուցվող գումարից, սակայն կպահվի 25 տոկոսը` որպես վարչական ծախս: Պետք է ներկայացնել միայն փաստաթղթերի բնօրինակները: Հակառակ դեպքում փոխհատուցում տեղի չի ունենա: 

Ծանուցում

IELTS փորձնական թեստերը  IELTS քննությունից անկախ են տեղի ունենում և իրական քննությունը հանձնելու համար թեկնածուները պետք է հետևեն IELTS պաշտոնական կայքում (www.ielts.org) նշված հրահանգներին:

IELTS Practice Test Registration Form


Host Country
Publish Date
August 17, 2017




0 Comments


Subscribe to our newsletter

and receive information about international academic and professional opportunities

scholarships, summer schools, conferences, grants, fellowships, trainings


Sign Up