«Երկուսով աշխատանքի համար» ծրագիր
«ԿԱԶԱ» շվեյցարական մարդասիրական հիմնադրամը աշխատանք փնտրող անձանց հրավիրում է մասնակցելու «Երկուսով աշխատանքի համար» ծրագրին:
Ծրագրի նկարագրություն
Ծրագրի նպատակն է կամավորների միջոցով աջակցել աշխատանք փնտրող մասնակիցներին աշխատաշուկա մուտք գործելու և աշխատանքային հմտությունների զարգացման հարցերում:
Ծրագրի շրջանակներում զբաղվածության ոլորտում համապատասխան վերապատրաստում անցած կամավորները աջակցում են ծրագրի մասնակիցներին աշխատանք որոնելու և գտնելու հարցում՝ տրամադրելով նրանց անհրաժեշտ տեղեկություններ թափուր աշխատատեղերի որոնման, դրանց դիմելու կարգի, անհրաժեշտ փաստաթղթերի պատրաստման և այլ թեմաների վերաբերյալ:
Մասնակցության պայմաններ
Ծրագրի մասնակիցներ կարող են դառնալ 18-45 տարեկան բոլոր այն անձինք, ովքեր ունեն.
- աշխատելու ցանկություն և փնտրում են աշխատանք,
- այս ծրագրին մասնակցելու ցանկություն, մոտիվացիա,
- աշխատանքի որոնման հմտությունները զարգացնելու կարիք,
- համակարգչային հմտությունները զարգացնելու կարիք,
- հայաստանյան աշխատաշուկայի և Հայաստանում աշխատանք գտնելու վերաբերյալ իրազեկվածությունը բարձրացնելու կարիք:
Ծրագրին մասնակցությունն անվճար է, քանի որ այն ֆինանսավորվում է «ԿԱԶԱ» հիմնադրամի (տեղացի մասնակիցներ) և ՄԱԿ-ի փախստականների հարցերով գերագույն հանձնակատարի գրասենյակի (սիրիահայեր, փախստականներ և ապաստան հայցողներ) կողմից:
Ծրագրի տևողությունը 4 ամիս է (մարտից հուլիս)՝ կախված դեպքի առանձնահատկություններից:
Մասնակիցների ընտրությունը կատարվում է մրցութային հիմքով, երկրորդ փուլ անցած մասնակիցները կհրավիրվեն հարցազրույցի:
Ծրագրին մասնակցելու համար խնդրում ենք գրանցվել մինչև մարտի 7-ը ներառյալ լրացնելով այս հայտը կամ զանգահարելով 010 54 18 44, 077 54 18 44 հեռախոսահամարներով: