«Երիտասարդության ձայնը» արդեն երեք տարի անցկացվող համապետական մրցույթ է, որի նպատակն է զարգացնել հայ երիտասարդների արդյունավետ հաղորդակցության և հռետորության հմտություններն, ինչպես նաև ընձեռել հնարավորություն բարձրացնել համայնքային և մարզային խնդիրները համապետական հարթակում: Այս տարի մրցույթը տեղի կունենա Լուսավոր Հայաստան Կուսակցության ուսանողական թիմի նախաձեռնությամբ և կուսակցության աջակցությամբ:
Ովքե՞ր կարող են մասնակցել
Մրցույթին կարող են մասնակցել 18-22 տարեկան ԲՈւՀ-երում սովորող ուսանողները ՀՀ բոլոր մարզերից:
Ի՞նչ բնույթի է մրցույթի բովանդակությունը՝ քաղաքացիական, թե քաղաքական
«Երիտասարդության ձայնը իր մեջ պարունակում է քաղաքացիական հասարակությանը հուզող խնդիրներ և նպատակներ: Այդ իսկ պատճառով քաղաքան հայացքները չեն ազդելու ընտրության կարգի և մրցույթի բովանդակության վրա:
Ինչպե՞ս, որտե՞ղ և ե՞րբ կանցկացվի մրցույթը
Մրցույթը բաղկացած է երկու փուլից: 2016թ. մարտի երկրորդ կեսից մինչև մարտ ամսվա ավարտը տեղի կունենա նախընտրական փուլը, որին կմասնակցեն 100 ուսանողներ ՀՀ բոլոր մարզերից: Նախատեսվում է անցկացնել 5 շրջայց՝ Երևանում, Սյունիքի, Տավուշի,
Լոռու և Արարատի մարզերում` յուրաքանչյուր մարզում ընդգրկելով քսանական մասնակից տվյալ, կամ հարևան մարզերից: Ամեն մարզից ժյուրին կըտնրի լավագույն ելույթներով 5 մասնակիցների, ովքեր կշարունակեն իրենց մասնակցությունը եզրափակիչ փուլում: Այն տեղի կունենա ապրիլ ամսի երկրորդ շաբաթում, որի ժամանակ 25 մասնակիցներից կընտրվեն Հայաստանի լավագույն երեք երիտասարդ հռետորները:
Ի՞նչ տևողություն և բովանդակություն ունեն նախընտրական և եզրափակիչ փուլերը
Նախընտրական փուլը յուրաքանչյուր մարզում կտևի երկու օր: Առաջին օրում մասնակիցները կմասնակցեն արդյունավետ հաղորդակցության, հռետորության և խնդիրների լուծման հմտություններ զարգացնող սեմինարների: Երկրորդ օրը բոլոր մասնակիցները ելույթներով հանդես կգան, որոնց հիման վրա էլ կորոշվեն եզրափակիչ փուլ անցնող մասնակիցները: Եզրափակիչ փուլը կտևի մեկ օր, որի ընթացքում մասնակիցները կներկայացնեն իրենց մարզերը, ապա ելույթեր կունենան, որոնց հիման վրա կորոշվեն առաջին 3 տեղերի մրցանակակիրները:
Ւնչպե՞ս են տեղափոխվելու և գիշերելու եզրափակիչ անցած մասնակիցները
Ծրագիրը ստանձնում է բոլոր մասնակիցների երկու կողմանի տրանսպորտի և սնդդի,
ինչպես նաև Երևանում գիշերակացի ծախսերը (բացառությամբ Երևանի, Արմավիրի,
Լոռու և Արարատի մարզերի եզրափակիչ անցած մասնակիցների):
Ի՞նչ է անհրաժեշտ
Անհրաժեշտ է լրացնել մրցույթի մասնակցության հայտը՝ http://goo.gl/forms/BIaJ93Axjq
մինչև մարտի 10-ը: Մասնակիցները պետք է անտարբեր չլինեն իրենց շրջապատող համայնքային և մարզային խնդիրներին և ցուցաբերեն պատրաստակամություն իրենց հաղորդակցության հմտությունները զարգացնելու և կիրառելու համար: