«Իրավունքների պաշտպանություն առանց սահմանների» հասարակական կազմակերպությունը հայտարարում է հայտերի ընդունելություն Հայաստանի և Վրաստանի հասարակական կազմակերպությունների ներկայացուցիչների, երիտասարդ ակտիվիստների համար 2016 թվականի ապրիլ-մայիս ամիսներին կազմակերվող հետևյալ դասընթացների համար
- «Լավ կառավարման մասնակցային մոնիթորինգ և գնահատում»՝ երկօրյա դասընթաց Հունգարիայից և Չեխիայից ներգրաված համապատասխան փորձագետների մասնակցությամբ,
- «Իրավունքի գերակայության մոնիթորինգ՝ դատարանի նկատմամբ քաղաքացիական վերահսկողություն» երկօրյա դասընթաց Լեհաստանից ներգրաված փորձագետների մասնակցությամբ,
- «Փաստագրված շահապաշտպանություն հանուն իրավունքի գերակայության և լավ կառավարման» թեմայով՝ Հունգարիայից և Սլովակիայից ժամանած փորձագետների մասնակցությամբ:
Դասընթացի ժամանակ կներկայացվի հատկապես դատարանի նկատմամբ քաղաքացիական վերահսկողության Լեհաստանի փորձը, Վիշիգրադի խմբի անդամ երկների փորձը լավ կառավարման մոնիթորինգի և գնահատման, ինչպես նաև փաստագրված շահերի պաշտպանության փորձը:
ՄԱՍՆԱԿՑՈՒԹՅԱՆ ԿԱՆՈՆՆԵՐ
Դասընթացին կարող են մասնակցել
Հայաստանի և Վրաստանի քաղաքացիական հասարակության ներկայացուցիչներ և ակտիվիստներ
Նույն դիմումատուն կարող է մասնակցել մեկ թեմատիկ դասընթացի
Դիմումների ընդունման սկիզբն է - 12 մարտի 2016 թ
Դիմումների ընդունման ավարտն է - 10 ապրիլի 2016 թ
Դասընթացից հետո դասընթացի մասնակիցները
1 հունիսի - 31 օգոստոսի 2016թ պետք է մասնակցեն համապատասխան ուղղությամբ իրականացվող աշխատանքներին, որից հետո կպատրաստվի հաշվետվություն հայերեն և վրացերեն լեզուներով:
Յուրաքանչյուր դասընթաց իրականցվելու է Հայաստանից և Վրաստանից համամասնորեն ներգրաված 20-25 մասնակիցների խմբերով՝ յուրաքանչյուր դասընթացը երկու օր տևողությամբ:
Մասնակիցների կացության և տրանսպորտային ծախսերը հոգում է «Իրավունքների պաշտպանություն առանց սահմանների» հասարակական կազմակերպությունը
Դասընթացների մասնակցության հայտերը հասանելի են
- «Լավ կառավարման մասնակցային մոնիթորինգ և գնահատում»
- «Իրավունքի գերակայության մոնիթորինգ՝ դատարանի նկատմամբ քաղաքացիական վերահսկողություն»
- «Փաստագրված շահապաշտպանություն հանուն իրավունքի գերակայության և լավ կառավարման»
«Իրավունքների պաշտպանություն առանց սահմանների» հասարակական կազմակերպությունը 2015 թվականի սեպտեմբերի 1-ից Վիշեգրադի միջազգային հիմնադրամի հետ համագործակցությամբ իրականացնում է «Ձևավորել ապացույցների վրա հիմնված շահերի պաշտպանություն հանուն իրավունքի գերակայության և արդյունավետ կառավարման» ծրագիրը: