«Ընտանիքի ընկեր» ծրագրի համար կամավորների հայտագրում
«ԿԱԶԱ» շվեյցարական մարդասիրական հիմնադրամը «Ընտանիքի ընկեր» ծրագրի շրջանակում հայտարարում է կամավորների հայտագրում։ Ծրագրի նպատակն է օգնություն և ուղղորդում տրամադրել փախստականներին ու ապաստան հայցող ընտանիքներին, ինչպես նաև Սիրիայից վերջերս տեղահանված ընտանիքներին: Ծրագրի շրջանակում ակտիվ և պատրաստակամ կամավորները՝ տեղյակ լինելով Հայաստանի սոցիալ-տնտեսական, մշակութային, կրթական միջավայրից և երկրի այլ առանձնահատկություններից, կուղղորդեն և կաջակցեն նոր ժամանած ընտանիքներին պրակտիկ խորհուրդներով, անհրաժեշտ տեղեկությամբ և նրանց այլ հարցումները բավարարելով: Բացի դրանից, կամավորներն ընտանիքների հետ միասին կայցելեն Հայաստանի տարբեր մշակութային և սոցիալական վայրեր:
Ծրագրում անհրաժեշտ են նաև կամավորներ, ովքեր տիրապետում են ռուսերենի, պարսկերենի և արաբերենի:
Ծրագրի տևողությունը 3 ամիս է: Կամավորները կանցնեն համապատասխան վերապատրաստում և ծրագրի ավարտին կստանան վկայական։
Ծրագիրն իրականացվում է «ԿԱԶԱ» շվեյցարական մարդասիրական հիմնադրամի կողմից` ՄԱԿ-ի փախստականների հարցերով գերագույն հանձնակատարի գրասենյակի ֆինանսական աջակցությամբ:
Եթե ցանկանում եք մասնակցել ծրագրին որպես կամավոր, խնդրում ենք լրացնել կից հայտադիմումը մինչև հունիս 20-ը ներառյալ։
Ուշադրություն, ծրագրի մասկացության համար դիտարկվելու են առաջին 100 հայտադիմումները: Միայն ընտրված մասնակիցները կհրավիրվեն հարցազրույցի:
