Հայաստանում Շվեյցարիայի դեսպանատունը ԱՐՄԱԿԱԴ ընկերության հետ համատեղ հոկտեմբերի 19-ին առավոտյան ժամը 10։00-ին հրավիրում է ներկա գտնվել Շվեյցարիայի կառավարության 2019–2020 թթ. «Գերազանցության կրթաթոշակներ» ծրագրի վերաբերյալ տեղեկատվական հանդիպմանը։
Տեղեկատվական միջոցառումը հիանալի հնարավորություն է կրթաթոշակային ծրագրի մասին տեղեկատվություն ստանալու և ծրագրի մասին բոլոր լրացուցիչ հարցերը ծրագրի շրջանավարտներին ու կազմակերպիչներին ուղղելու համար։
Տեղեկատվական միջոցառման ընթացքում ելույթներով հանդես կգան և ծրագրի շրջանակներում իրենց ունեցած փորձով կկիսվեն տարբեր բնագավառներում ծրագրի շրջանավարտները։
- Լիլիթ Ղահրամանյան - Բեռնի համալսարանի շրջանավարտ (Բժշկություն / Կլինիկական հոգեբանություն)
- Արեգ Գևորգյան - Ecole polytechnique fédérale de Lausanne (EPFL) (Տեխնոլոգիաների և ձեռնարկատիրության կառավարում)
Այս միջոցառմանը ներկա կլինեն նաև Հայաստանում Շվեյցարիայի դեսպանը, Հայաստանում Շվեյցարիայի դեսպանատան աշխատակիցները և ԱՐՄԱԿԱԴ ընկերության կրթաթոշակային ծրագրի պատասխանատուները, որնց ևս կարող եք ուղղել ձեր հարցրեը։
Տեղեկատվական միջոցառման մասնակցելու համար պարտադիր պայման է ծրագրին դիմելու նախնական հայտաձևի լրացումը։ Միայն ամբողջովին լրացված նախնական հայտաձևը ստանլուց հետո դիմորդներին կուղարկվեն լրացուցիչ տեղեկություններ Տեղեկատվական միջոցառման վայրի և օրակարգի վերաբերյալ։
Ծրագրի մանրամասներին ծանոթանալ և նախնական հայտաձևը լրացնել կարող եք այստեղ՝ https://armacad.info/2018-09-07--shveycariayi-karavarotyan-2019-2020-tt-gerazancotyan-krtatoshakner-tsragir-hay-dimordneri-hamar
Տեղեկատվական հանդիպման ֆեսբուքյան միջոցառումն՝ այստեղ - https://www.facebook.com/events/2565313706827086/