«ԱՇԽԱՏԱՆՔԱՅԻՆ ՀՄՏՈՒԹՅՈՒՆՆԵՐԻ ԶԱՐԳԱՑՈՒՄ» դասընթաց
«ԿԱԶԱ» շվեյցարական մարդասիրական հիմնադրամի «Էսպաս» երիտասարդական կրթամշակութային կենտրոնը Հայաստանում երիտասարդների մուտքն աշխատաշուկա առավել դյուրին դարձնելու համար իրականացնում է «ԱՇԽԱՏԱՆՔԱՅԻՆ ՀՄՏՈՒԹՅՈՒՆՆԵՐԻ ԶԱՐԳԱՑՈՒՄ» դասընթացը:
Դասընթացի նպատակն է երիտասարդների մոտ զարգացնել աշխատանքային գործունեությունը սկսելու և առավել արդյունավետ իրականցնելու համար անհրաժեշտ մասնագիտական հմտություններն ու անձնային որակները:
ԴԱՍԸՆԹԱՑԻ ԸՆԹԱՑՔՈՒՄ ՈՒՍՈՒՑԱՆՎՈՂ ԹԵՄԱՏԻԿ ԲԱԺԻՆՆԵՐ
1. Ինչպե՞ս ընդունվել աշխատանքի
• Ինքնաճանաչողություն եւ մոտիվացիա
• Կարիերայի պլանավորում
• Ցանցի ձեւավորում
• Աշխատանք որոնելու միջոցներ
• Հույզերի եւ սթրեսի կառավարում
• Ուղեկցող նամակ եւ ինքնակենսագրական
• Հարցազրույցին ներկայանալու եւ ինքնաներկայացման
հմտություններ
• ՀՀ աշխատանքային օրենսգրքի հիմնական դրույթներ եւ
աշխատանքային պայմանագիր
2. Ինչպե՞ս հարմարվել նոր աշխատավայրում
• Ինտեգրացիա եւ հարմարում աշխատավայրում
• Աշխատանքային էթիկա
• Շփման հմտություններ
• Միջմշակութային հաղորդակցություն
• Բանակցություններ եւ կոնֆլիկտների կառավարում
• Թիմային աշխատանք եւ համագործակցություն
• Ժամանակի արդյունավետ կառավարում
3. Ինչպե՞ս ապահովել կարիերայի աճ
• Շնորհանդեսների ներկայացում
• Խնդիրները լուծելու կարողություն
• Որոշումներ կայացնելու կարողություն
• Ստեղծարարություն
• Քննադատական մտածողություն
ՄԵԹՈԴԱԲԱՆՈՒԹՅՈՒՆ
Դասընթացի տեւողությունը 36 ժամ է, իրականցվում է մեկ ամսվա ընթացքում: Դասընթացի իրականացման օրերը հարմարեցվում են մասնակիցների հետ: Դասընթացն իրականացվում է 16-20 մասնակ իցներից բաղկացած խմբով: Դասընթացի ընթացքում կիրառվում են ոչ ֆորմալ, ինտերակտիվ մեթոդներ` համադրելով տեսականն ու գործնականը: Ծրագիրը որոշակիորեն ճկուն է, ուստի դասավանդվող թեմաները համապատասխանեցվում են նաեւ մասնակիցների ակնկալիքներին եւ ուսումնական կարիքներին։
Դասընթացն իրականցվում է հայերեն լեզվով:
ՈՒՍՈՒՑԱՆՈՂՆԵՐԻ ՄԱՍԻՆ
Դասընթացի ընթացքում որպես ուսուցանող ընդգրկված են ոչ ֆորմալ կրթության ոլորտում փորձառու մոտ 5 ուսուցանողներ, ովքեր իրականացնում են առանձին թեմատիկ բաժինների ներկայացումը:
Դասընթացի արժեքը՝ 10.000 ՀՀ դրամ:
Դասընթացի մանրամասներին և մասնակցության պայմաններին կարող եք ծանոթանալ հետևելով այս հղմանը:
Դիմել կարող եք մինչև փետրվարի 15-ը ներառյալ հետևյալ հղումով կամ զանգահարելով 010 54 18 44 կամ 077 54 18 44 հեռախոսահամարներով: