Նկարագրություն
«Էյչնեթ» ընկերությունն աշխատանքի է հրավիրում վարչական գծով օգնականների:
Հիմնական պարտականություններ
- Պատշաճորեն ընդունել մուտքային հեռախոսազանգերը և հաղորդագրությունները,
- իրականացնել գրասենյակի համար անհրաժեշտ գրենական պիտույքների և տնտեսական պարագաների ձեռքբերում,
- ընդունել ընկերության այցելուներին/բաժանորդներին, տրամադրել անհրաժեշտ տեղեկատվություն և աջակցել համապատասխան հարցերի/խնդիրների կարգավորմանը,
- ընդունել բաժանորդների կողմից գրասենյակում կատարվող դրամական կանխիկ մուծումները,
- կազմել գրություններ, դիմումներ, տեղեկանքներ, կարգադրություններ, լիազորագրեր, անհրաժեշտության դեպքում կատարել թարգմանություններ,
- համակարգել մուտքային և ելքային փաստաթղթերի հոսքը,
- ըստ պահանջի պատճենահանել, դասակարգել, պահպանել փաստաթղթերը,
- աջակցել աշխատանքային պայմանագրերի, հրամանների, աշխատաժամանակի հաշվարկի տեղեկագրերի վարման գործում,
- աջակցել ընկերության հաշվապահական և ֆինանսական հաշվառման որոշ փաստաթղթերի կազմման/վարման գործում:
Հիմնական պահանջներ
- Բարձրագույն կրթություն,
- աշխատանքային փորձը վարչական ոլորտում ցանկալի է,
- հայերենի գերազանց իմացություն, անգլերենի և ռուսերենի լավ իմացությունը ցանկալի է,
- համակարգչից օգտվելու հմտություններ (MS Windows օպերացիոն համակարգի հետ աշխատելու կարողություն, MS Word, MS Excel կիրառական ծրագրերի իմացություն),
- հաճախորդների հետ շփման և սպասարկման գերազանց հմտություններ,
- աշխատասիրություն և պատասխանատվության զգացում,
- լարված իրավիճակներում արագ կողմնորոշվելու հատկություն,
- միաժամանակ մի քանի առաջադրանք իրականացնելու կարողություն,
- սեղմ ժամկետներում աշխատելու կարողություն,
- թիմում արդյունավետ աշխատելու ունակություն:
Աշխատանքին դիմելու և մանրամասն տեղեկատվություն ստանալու համար խնդրում ենք դեկտեմբերի 4-ին մասնակցել Արմենիա Մարիոթ հյուրանոցի Տիգրան Մեծ սրահում անցկացվող աշխատանքի տոնավաճառին: