ՀՀ պետական կառավարման ակադեմիան «Գործարար վարչարարություն» (MBA) մագիստրոսական կրթական ծրագրի իրականացման նպատակով հայտարարում է ստորև ներկայացված առարկաները դասավանդող դասախոսների մրցույթ
«Բիզնես-գործընթացների և ռեսուրսների կառավարում» բլոկ
- Կազմակերպության կառավարում
- Բիզնեսի ռազմավարություն
- Նախագծերի կառավարում
- Բիզնես-գործընթացների կառավարում
- Էլեկտրոնային բիզնեսի կառավարում
- Կառավարչական որոշումների ընդունում
- Բիզնես, պետություն և հասարակություն
«Ֆինանսական կառավարում» բլոկ
- Կառավարչական հաշվառում
- Հաշվապահական հաշվառում և հարկում
- Ֆինանսական վերահսկողություն և աուդիտ
- Ֆինանսների և ներդրումների վերլուծություն
«Բիզնեսի իրավական կարգավորում» բլոկ
- Բիզնեսի իրավական սպասարկում
«Առաջնորդական կառավարում» բլոկ
- Գործարար բանակցություններ
- Քննադատական և ստեղծարար մտածելակերպ
- Առաջնորդություն
Դասավանդման աշխատանքի նկարագրությունը
Դասախոսական աշխատանքը ներառում է.
- Առարկայական ծրագրի մշակում
- Դասախոսությունների և գործնական աշխատանքների մշակում և անցկացում
- Քննական տոմսերի մշակում
- Քննական աշխատանքների ստուգում և գնահատում
- Պրակտիկայի և մագիստրոսական թեզերի ղեկավարում:
Դասավանդման լեզուն հայերենն է: Ուսումնական գործընթացն սկսվելու է 2016 թվականի սեպտեմբերից: Դասերը կազմակերպվելու են երեկոյան ժամը 18:00-ից հետո:
Մասնագիտական պահանջները
Թեկնածուները պետք է ունենան մագիստրոսական կրթություն բիզնեսին առնչվող մասնագիտությունների գծով: Տնտեսագիտության թեկնածուի աստիճանը նախընտրելի է: Արտասահմանյան 100 առաջատար ԲՈՒՀ-երից որևէ մեկում ստացած կրթությունը կդիտվի իբրև առավելություն:
Աշխատանքային փորձը
Առնվազն երկու տարվա փորձ բիզնեսին առնչվող ոլորտում:
Վարձատրությունը
Ժամավճարով`մրցակցային:
Ինչպես դիմել
Մրցույթին մասնակցելու համար խնդրում ենք սեղմել ներքևի APPLY ONLINE կոճակի վրա, գրել համառոտ ուղեկցող նամակ և համապատասխան դաշտում կցել CV-ն (հայերեն կամ անգլերեն):
Մենք խորապես գնահատում ենք ձեր հետաքրքրվածությունը մեր առաջարկով, սակայն հետադարձ կապ կհաստատվի միայն ընտրված թեկնածուների հետ:
Դիմելու վերջնաժամկետը՝ 17.06.2016 թ.:
ՀՀ պետական կառավարման ակադեմիայի մասին
Հայաստանի Հանրապետության պետական կառավարման ակադեմիան հիմնադրվել և գործում է 1994 թվականից: Այն բարձրակարգ մասնագետներ է պատրաստում Հայաստանի Հանրապետության հանրային ծառայության համակարգի տարբեր օղակների համար:
Հաշվի առնելով բիզնեսի կառավարման դերը Հայաստանի Հանրապետության տնտեսության զարգացման գործում և այդ ոլորտում որակյալ մասնագետների խիստ պակասը՝ ՀՀ պետական կառավարման ակադեմիան որոշեց 2016-2017 ուսումնական տարվա ծրագրերում ներառել «Գործարար վարչարարություն» (MBA) կրթական ծրագիրը` այդպիսով ընդլայնելով հանրային և մասնավոր ոլորտների համար Ակադեմիայում պատրաստվող բարձրագույն օղակի կառավարիչների շղթան: