Աշխատանք «Այբ» դպրոցում, Տեխնիկական աջակցության մասնագետ
Աշխատանքի նկարագիր Դպրոցը փնտրում է տեխնիկական աջակցության փորձառու մասնագետի, ով կկարողանա արդյունավետորեն համագործակցել երեխաների, աշխատակիցների, ուսուցիչների և ծնողների հետ՝ հնարավորինս նպաստավոր պայմաններ ստեղծելով տեխնիկական խնդիրների հաղթահարման համար: Պարտականություններ
- հայտնաբերել սարքային և ծրագրային խնդիրներ և լուծել դրանք
- օգնել աշակերտներին և ուսուցիչներին համակարգիչների հետ կապված խնդիրների դեպքում
- տեղադրել ծրագրեր և անել համապատասխան կարգավորումները
- օգնել օգտվելու դպրոցում գտնվող տեխնիկայից
- օգնել «Այբ» համայնքի անդամներին՝ օգտվելու ցանցային ծառայություններից
Պահանջվող հմտություններ և ունակություններ
- բարձրագույն տեխնիկական կրթություն
- լարված իրավիճակում աշխատելու ունակություն
- անգլերենի, հայերենի և ռուսերենի (բանավոր և գրավոր) գերազանց իմացություն
- նոր տեխնիկական հմտությունների արագ յուրացում
- ճկունություն, թիմում աշխատելու կարողություն
- հաղորդակցման գերազանց հմտություններ
- արագ սովորելու ունակություն
Դիմելու կարգ
Բոլոր թեկնածուներին խնդրում ենք ինքնակենսագրությունն (CV) ուղարկել vacancy@ayb.am էլ. հասցեին հայերեն, ռուսերեն կամ անգլերեն՝ MS Word կամ Adobe PDF ձևաչափով։ Որպես նամակի թեմա խնդրում ենք նշել պաշտոնի անվանումը՝ Technical Support Specialist:
Հայտերն ընդունվում են մինչև 2015 թ. նոյեմբերի 10-ը ներառյալ: Ընտրված թեկնածուների հետ ծանոթանալու և հետագա քայլերը քննարկելու համար կկապվենք անձամբ` փաստաթղթերի ընդունման վերջնաժամկետից հետո 1 շաբաթվա ընթացքում:
Կազմակերպության մասին
«Այբ» դպրոցը բյուրեղացումն է հայ դպրության լավագույն ավանդույթների և համաշխարհային կրթության բարձրագույն նվաճումների: «Այբ»-ը սովորելու մշակութաստեղծ նոր միջավայր է, ուր ազգային հենքի վրա մշակվում են եզակի կրթական տեխնոլոգիաներ և փորձարկվում ժամանակակից կրթության բարձրագույն ձեռքբերումները` ի նպաստ հայկական կրթության մրցունակության բարձրացման: «Այբ» դպրոցը ծնվել է կրթության դարաշրջանում, անընդհատ և արագորեն վերափոխվող աշխարհում` ուսյալ, սեփական ակունքներին հաղորդ և ապագայի պատասխանատվություն ստանձնող սերունդ ձևավորելու անհրաժեշտությունից: «Այբ»-ը ծնվել է 21-րդ դարում` նպատակ ունենալով դառնալ 21-րդ դարի հայկական դպրոցի օրինակելի միջավայր:
Թբիլիսյան խճ. 11/11, Երևան, Հայաստան
This opportunity has expired. It was originally published here:
http://aybschool.am/data/upload-files/2015%2010%2020_AS_Technical%20Support%20Specialist.pdf