ԱՇԽԱՏԱՆՔԻ ՆԿԱՐԱԳԻՐ
Թումո ստեղծարար տեխնոլոգիաների կենտրոնը փնտրում է եռանդուն և փորձառու անիմացիայի մասնագետի, ով պատասխանատու կլինի անիմացիայի վերաբերյալ ուսումնական վարժանքներ, նախագծային և այլ ուսումնական բնույթի հանձնարարություններ ստեղծելու համար՝ հիմնվելով ուսումնական բովանդակության մշակման սահմանված չափանիշների վրա:
ԳՈՐԾԱՌՈՒՅԹՆԵՐ
- Վարել անիմացիայի, մասնավորապես, անիմացիայի հիմնական մեխանիզմների և սկզբունքների, կերպարի ստեղծման և այլ անիմացիոն տեխնիկաների դասընթացներ
- Մշակել, փորձարկել, հղկել անիմացիայի վարժանքների բովանդակությունը
- Քննարկել և առաջ քաշել վարժանքների նոր գաղափարներ, որ կզարգացնեն ուսանողների անիմացիայի հմտությունները, ներկայացնել դրանք ուսումնական բովանդակություն մշակող խմբին և լուծումներ առաջարկել՝ առկա ուսումնական ծրագրում այդ գաղափարները ներգրավելու համար
- Ստուգել և պատշաճ գնահատել ուսանողների կողմից ստեղծված անիմացիոն աշխատանքները
- Աջակցել անիմացիայի ոլորտին առնչվող դասընթացներին և գործնական պարապմունքներին
- Աջակցել ուսումնական բովանդակության փորձարկման ու գնահատման գործընթացում
ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ և ՀՄՏՈՒԹՅՈՒՆՆԵՐ
- Լիարժեք տիրապետել անիացիայի սկզբունքներին
- Համապատասխան կրթություն և/կամ աշխատանքային փորձ
- Մարդու և կենդանիների անատոմիայի իմացությունը ցանկալի է
- Flash, 3ds Max, Maya, Softimage ծրագրերի իմացություն
- Ուսումնական ոլորտում կամ երեխաների հետ աշխատելու փորձը ցանկալի է,
- Ինքնուրույն, ինչպես նաև մեծաքանակ անձնակազմի հետ թիմային աշխատանքի հմտություններ,
- Կանոնավոր կերպով աշխատանքի բարձր արտադրողականության ապահովման կարողություն,
ՎԱՅՐԸ` ք.Երևան, ՀՀ
Աշխատանքին դիմելու և մանրամասն տեղեկատվություն ստանալու համար խնդրում ենք դեկտեմբերի 4-ին մասնակցել Արմենիա Մարիոթ հյուրանոցի Տիգրան Մեծ սրահում անցկացվող աշխատանքի տոնավաճառին: