Ցանկանու՞մ եք տեղեկություն ստանալ ԱՄՆ իրավագիտական կրթության վերաբերյալ։
Միացե՛ք սույն թվականի մարտի 15-ին, ժամը՝ 19։00-ին, EducationUSA Հայաստանի և Դեյթոնի համալսարանի համատեղ կազմակերպած անվճար վեբինարին,որի ընթացքում դուք կծանոթանաք ԱՄՆ-ում առկա իրավագիտական ծրագրերին, կարիերայի հնարավորություններին և մասնավորապես Դեյթոնի համալսարանի իրավագիտության բաժին դիմելու պահանջներին և ֆինանսական օժանդակության միջոցներին։
Եթե պլանավորում եք մասնակցել, ապա լրացրեք հայտարարության ներքևում գտնվող հայտը (եթե գրանցված չեք ԱՐՄԱԿԱԴում, ապա պետք է սեղմել ներքևի APPLY կոճակի վրա, գրանցվել ու լրացնել հայտը) և մենք Ձեզ կուղարկենք վեբինարին մասնակցելու մանրամասները։
EducationUSA Հայաստանի մասին
ԱՄՆ պետքարտուղարության կողմից հովանավորվող EducationUSA կրթական-խորհրդատվական կենտրոնի հայաստանյան գրասենյակը պատկանում է աշխարհում գոյություն ունեցող հարյուրավոր խորհրդատվական կենտրոնների ցանցին: Կենտրոնը դիմորդներին և ուսանողներին տրամադրում է ճշգրիտ, բազմակողմանի և արդի տեղեկատվություն՝ ԱՄՆ-ում քոլեջներ և համալսարաններ ընդունվելու գործընթացի վերաբերյալ: Կենտրոնի բոլոր ծառայությունները՝ ներառյալ թեստերին պատրաստվելու համար գրադարանից գրքեր տրամադրելը, անհատական խորհրդատվությունները, դասախոսությունները, աշխատաժողովները, փորձնական թեստերի հանձնումը, խմբակային խորհրդատվությունները և տարածաշրջանային այցելությունները տրամադրվում են անվճար: Մանրամասների համար այցելե՛ք՝ www.americancouncils.am: