Մեկնարկել է Լիբերալ քաղաքականության դպրոցի 3-րդ հոսքի ընդունելությունը
Դպրոցի նպատակն է պատրաստել նոր սերնդի առաջնորդներ, ովքեր պատրաստակամ են կրել ու տարածել ազատական արժեքներ և դառնալ ժողովրդավարական համախմբման ջատագովներ:
Լիբերալ քաղաքականության դպրոց կարող են դիմել ՀՀ այն քաղաքացիներն, ովքեր՝
- 18-30 տարեկան են,
- Տիրապետում են որևէ օտար լեզվի
- Ունեն բարձրագույն կրթություն կամ սովորում են ԲՈՒՀ-ում։
Լիբերալ քաղաքականության դպրոց ընդունվելու համար անհրաժեշտ է ստորև նշված փաստաթղթերն ուղարկել liberalsschool@gmail.com էլեկտրոնային հասցեին.
- ինքնակենսագրություն (CV+ Ֆեյսբուքյան էջի հղումը)
- մոտիվացիոն նամակ,
- շարադրություն (որը կառնչվի ստորև նշված թեմաներից որևէ մեկին).
ՀՀ նոր քաղաքական օրակարգի գերակա ուղղությունները:
Ղարաբաղյան հակամարտություն. կարգավորման հեռանկարներ:
Տնտեսական քաղաքականության արդյունավետության բարձրացմանն ուղղված անհրաժեշտ քայլերի նախագծում:
ՀՀ Սահմանադրության իրավական և քաղաքական բնույթը։
Ընդունելությունը կկայանա դիմումների փաթեթի ուսումնասիրության և հարցազրույցի հիման վրա:
Դիմում-հայտերի ներկայացման վերջնաժամկետն է՝ 25.02.2019։
Լիբերալ քաղաքականության դպրոցի դասընթացները զետեղված կլինեն 4 տարբեր կատեգորիաների մեջ՝
- Քաղաքագիտություն,
- Իրավագիտություն,
- Տնտեսագիտություն,
- Առաջնորդության հմտություններ և կարողություններ:
Դասընթացների մեկնարկը կտրվի մարտ ամսին:
Տևողությունը՝ 6 ամիս:
Դասընթացները անցկացվելու են շաբաթական 4 օր, ժամը 18:30-20:30:
Նախատեսվում են նաև արտագնա դասընթացներ:
Դպրոցում ուսուցումն անվճար է։
Դպրոցում դասախոսություններով հանդես կգան հայ և օտար հայտնի քաղաքական, պետական գործիչներ, դեսպաններ, տարբեր ոլորտների առաջատար մասնագետներ և փորձագետներ: