«Վաղվա օրը կերտող Ագրո-ձեռնարկատերերը» ծրագիր
Ծրագրի նկարագրություն: Եթե 20-35 տարեկան ես, ապրում ես Հայաստանում և ցանկանում ես հիմնել քո սեփական բիզնեսը գյուղատնտեսության բնագավառում, բայց չգիտես որտեղից սկսել՝ այս ծրագիրը քեզ համար է: «Վաղվա օրը կերտող Ագրո-ձեռնարկատերերը» (Agripreneurs Creating Tomorrow) ծրագրի նապատակն է գործնական ուսուցում տրամադրել Հայաստանում բնակվող երիտասարդներին, ովքեր ունեն բիզնես գաղափարներ գյուղատնտեսության, էկո և ագրոտուրիզմի, սննդի և գինեգործության ոլորտներում, բայց չունեն անհրաժեշտ հմտություններ, փորձառություն կամ գիտելիքներ: Ծրագիրը հովանավորվում է ԱՄՆ Պետդեպարտամենտի կողմից, և, ուստի, ծրագրի մասնակցությունը ԱՆՎՃԱՐ է:
Ընտրված դիմորդները հնարավորություն կստանան մասնակցելու յոթամսյա գործնական պարապմունքների և ձեռք բերելու անհրաժեշտ հմտություններ և գիտելիքներ իրենց ագրոբիզնեսը հիմնելու համար: Ծրագրի մասնակիցները պետք է ամեն շաբաթ մասնակցեն 1-2 պարտադիր դասընթացներին և կատարեն հանձնարարությունները ծրագրի տևողության ընթացքում: Ծրագրի ավարտին մասնակիցները կունենան իրենց բիզնես պլանները՝ պատրաստ ներգրավելու ֆինանսավորում և հիմնելու ագրոբիզնես:
Դիմումների սկիզբ: Հոկտեմբերի 11, 2017
Դիմումների վերջնաժամկետ: Նոյեմբերի 10, 2017
Դիմումների պատասխան և հարցազրույցի հրավեր: Նոյեմբերի 20, 2017
Ծրագրի տևողություն: Դեկտեմբեր 2017 - Հունիս 2018
Ուսուցման հաճախականություն: շաբաթական 1-2 պարտադիր դասընթացներ, այցելություններ գործող ագրոբիզնեսներ, ինչպես նաև ցանցաստեղծման հնարավորություն մասնավոր և հասարակական կազմակերպությունների ներկայացուցիչների հետ
Ուսուցման թեմաներ և հմտություններ: բիզնեսի գաղափարների ստեղծում, գաղափարի գնահատում, իրավաբանական անձի գրանցում, հարկային օրենսդրություն, շուկայի ուսումնասիրություն, մարդկային ռեսուրսներ, ապրանքների մարքեթինգ, ֆինանսավորման հնարավորություններ, բիզնես պլանի կազմում
Ուսուցման լեզու: պարտադիր դասընթացները կլինեն հայերեն լեզվով, որոշ լրացուցիչ դասընթացներ կարող են լինել նաև անգլերեն
Ակնկալվող արդյունք: ամբողջական բիզնես պլաններ՝ պատրաստ ներգրավելու ֆինանսավորում/ հիմնելու ագրոբիզնես; մասնակցության վկայական ծրագրի բարեհաջող ավարտի դեպքում
Մասնակիցների թիվ: 30-35
Պահանջվող չափանիշներ: Հաջողակ թեկնածուն պետք է
-
Լինի 20-35 տարեկան
-
Սահուն տիրապետի Հայերենին (անգլերենի իմացություն պարտադիր չէ, բայց ցանկալի է)
-
Ունենա բիզնես գաղափարներ գյուղատնտեսության, էկոտուրիզմի / ագրոտուրիզմի, սննդի կամ գինեգործության բնագավառներում
-
Կարող և պատրաստակամ լինի մասնակցելու բոլոր պարտադիր դասընթացներին և ավարտելու հանձնարարությունները
-
Լինի նպատակասլաց, ուշադիր, պատասխանատու և խանդավառությամբ լի
-
Լինի ուսանող, կամ մինչև երկու տարվա շրջանավարտ, նախընտրելի է բիզնեսի, տնտեսագիտության, գյուղատնտեսության, այգեգործության, հասարակակն գիտությունների և նմանատիպ այլ ոլորտներում
Դիմումների հասցե: https://goo.gl/forms/FzogLQUPzUtFRsA52
Հարցերի դեպքում կարող եք կապվել մեզ հետ հետևյալ էլեկտրոնային հասցեով՝ actarmpro@gmail.com
Ծրագրի վերաբերյալ նորությունների և լրացուցիչ տեղեկությունների համար այցելեք մեր պաշտոնական ֆեյսբուկյան էջը՝ Agripreneurs Creating Tomorrow: https://www.facebook.com/actarmenia/