Ի՞նչ աշխատանքներ են կատարվում Հայաստանում ընտանեկան բռնության կանխարգելման և դրա դեմ պայքարի ոլորտում: Որո՞նք են հետագա քայլերը:
Մասնակցեք «Ընտանեկան բռնության դեմ պայքար. իրականացված աշխատանքներ և հետագա քայլեր» խորագրով հանրային քննարկմանը և արտահայտեք Ձեր կարծիքը այս կարևոր թեմայի շուրջ: Միջոցառման կազմակերպիչն է ՀՀ արդարադատության նախարարությունը:
Հանրային քննարկումը տեղի կունենա հոկտեմբերի 9-ին՝ ժամը 16:00-ից 18:00-ը Մատենադարանի նոր մասնաշենքի գիտաժողովների դահլիճում (Մաշտոցի պող. 53, Մատենադարան, նոր մասնաշենքի երրորդ հարկ):
Միջոցառման ընթացքում ՀՀ արդարադատության նախարարության, Հայ Առաքելական Եկեղեցու, ՀՀ Մարդու իրավունքների պաշտպանի գրասենյակի և քաղաքացիական հասարակության, ինչպես նաև ՀՀ ոստիկանության ներկայացուցիչները կներկայացնեն և կփոխանակեն կարծիքներ ընտանեկան բռնության կանխարգելման, դրա դեմ պայքարի և «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» ՀՀ օրենքի նախագիծի մասին:
Կարծիքների փոխանակմանը կհաջորդի հարց ու պատասխան մասնակիցների և խոսնակների միջև:
Օրենքի նախագծին կարող եք ծանոթանալ` այցելելով e-draft.am կայքը (հղում՝ https://www.e-draft.am/projects/427/about), որտեղ կարող եք արտահայտել Ձեր տեսակետը և քվեարկել:
Միջոցառման մանրամասներին կարող եք ծանոթանալ այստեղ:
Հարցերի դեպքում խնդրում ենք դիմել ծրագրի համակարգող֊ին՝ +374 55992228 հեռախոսահամարով: