Հակակոռուպցիոն և բարեխղճության պրակտիկ հմտությունների դպրոց 2016, Երևան

Legal Alliance


Deadline:

February 29, 2016

Disciplines:

Law


Opportunity Cover Image - Հակակոռուպցիոն և բարեխղճության պրակտիկ հմտությունների դպրոց 2016, Երևան

«ԼԻԳԼ ԸԼԱՅԸՆՍ» իրավաբանական ընկերությունը կազմակերպում է հակակոռուպցիոն և բարեխղճության պրակտիկ հմտությունների բացառիկ դպրոց

Ինչո՞վ է այս դպրոցը բացառիկ. ԲՈւՀ-րի հիմնական մասը ուսանողներին չի տալիս լավ կառավարման, բարեխղճության (ինթեգրիթի) և կոռուպցիայի վերաբերյալ գիտելիքներ կամ այդ գիտելիքները զուտ տեսական բնույթ են կրում: Արդյունքում, կազմակերպությունների շատ ներկայացուցիչներ, այդ թվում ղեկավարներ, իրավաբաններ, մարդկային ռեսուրսների հարցերով զբաղվող աշխատողներ, այլ մասնագետներ, ինչպես նաև ԲՈՒՀ-երում սովորող շատ ուսանողներ իրենց մտահոգությունն են հայտնում այն կապակցությամբ, որ ներկայումս իրենց պրակտիկ գործունեության ընթացքում շատ հաճախ անհրաժեշտություն է առաջանում կիրառել բարեխղճության այնպիսի պրակտիկ հմտություններ, ինչպիսիք են կազմակերպություններում էթիկայի, շահերի բախման, հաշվետվողականության, կոմպետենտության, կոռուպցիոն ռիսկերի նվազեցման և բարեխղճության կարողությունների ուժեղացման, ինչպես նաև ոլորտի այլ դրսևորումներին ուղղված պրակտիկ հմտություններ: Գործնականում դժվարանում են կատարել այնպիսի առաջադրանքներ, ինչպիսիք են կոռուպցիայի կանխարգելման, էթիկայի, շահերի բախման, ներքին կարգապահական, գնումների, հաշվետվողականության, թափանցիկության և բարեխղճության այլ բաղադրիչների վերաբերյալ քաղաքականությունների, ընթացակարգերի և հաշվետվությունների մշակումն ու դրանց պրակտիկ իրականացումը, կազմակերպության կոռուպցիոն ռիսկերի գնահատումն ու դրանց բացառմանն ուղղված լուծումների մշակումը, որովհետև չունեն վերը նշված ոլորտում պրակտիկ հմտություններ:

Ի՞նչ կստանաք այս դպրոցից. Բարեխղճության վերաբերյալ գիտելիքներ, Կոռուպցիայի կանխարգելման, էթիկայի, շահերի բախման, ներքին կարգապահական, գնումների, հաշվետվողականության, թափանցիկության և բարեխղճության այլ բաղադրիչների վերաբերյալ քաղաքականությունների, ընթացակարգերի և հաշվետվությունների կազմման հմտություններ, Կազմակերպություններում և այլ մարմիններում բարեխղճության ռիսկերի գնահատման և ռիսկերի նվազեցման լուծումների վերաբերյալ հմտություններ, Որպես վերապատրաստող դասավանդելու, պրակտիկ վարժություններ, դերախաղեր, գործերի հետ աշխատանքներ տանելու փորձառություն, Հանդիպումներ ոլորտի ճանաչված մասնագետների և դերակատարների հետ, Այցելություններ պետական և ոչ պետական մարմիններ, բիզնես և միջազգային կազմակերպություններ:

Դպրոցի տևողությունը 2 ամիս է, արժեքն է ամսական 80.000 ՀՀ դրամ, ուսանողների համար գործում է 40 տոկոս զեղչ` 50.000:

Գումարը ներառում է նաև սուրճ-ընդմիջումներն ու դասընթացի նյութերը: Դասընթացները տեղի կունենան շաբաթական 3 անգամ` 2 ժամ տևողությամբ: Դպրոցի ավարտին մասնակիցները կստանան ավարտական դիպլոմներ: Դպրոցում կդասավանդեն փորձառու միջազգային և տեղական փորձագետներ: Անցած տարիներին կայացած դպրոցների վերաբերյալ տեղեկատվությունը կարող եք գտնել հետևյալ հղումներով.

http://la.am/hy/1395.html

http://la.am/hy/578.html

http://la.am/hy/583.html

http://la.am/hy/587.html

Դպրոցին կարող են դիմել իրավաբանական և այլ հումանիտար ֆակուլտետների ուսանողները, երիտասարդ մասնագետներ, այլ հետաքրքրված անձինք: Դպրոցին մասնակցելու համար ուղարկեք Ձեր ինքնակենսագրականը և հետաքրքրության նամակը la@la.am էլ. փոստին մինչև փետրվարի 29-ը ներառյալ` «Հակակոռուպցիոն և բարեխղճության պրակտիկ հմտությունների բացառիկ դպրոց» վերնագրով: Տեղերը սահմանափակ են` ընդամենը 12 տեղ: Դպրոցի մասնակիցները կընտրվեն մրցութային հիմունքներով: Հավելյալ տեղեկությունների համար զանգահարել (055) 003-227 և (010) 540-199 հեռախոսահամարներով:



Host Country
Event Type
Publish Date
February 23, 2016
Link To Original




0 Comments