Եթե Դուք ուզում եք ապահովել Ձեր բիզնեսի կայունությունը և հաղթահարել դժվարությունները՝ աճի նոր հնարավորություններ բացահայտելով, հրավիրում ենք Ձեզ մասնակցելու «ՓՈՔՐ ԵՎ ՄԻՋԻՆ ՁԵՌՆԱՐԿՈՒԹՅՈՒՆՆԵՐԻ ԱՃԻ ԴԺՎԱՐՈՒԹՅՈՒՆՆԵՐԻ ԿԱՌԱՎԱՐՈՒՄ» դասընթացին:
Դասընթացը Ձեզ կօգնի գնահատել, թե զարգացման որ փուլում է գտնվում Ձեր բիզնեսը և ինչպիսի պրակտիկ գործիքներ են անհրաժեշտ դրա զարգացմանը միտված՝ Ձեր կառավարման համակարգում փոփոխություններ կատարելու համար:
Դասընթացը հատկապես օգտակար կլինի բիզնեսի տերերի, հիմնական որոշումներ ընդունող ղեկավար անձանց համար:
Դասընթացը մշակվել է Միջազգային Ֆինանսական Կորպորացիայի (ՄՖԿ) մեթոդաբանության հիման վրա:
Դասընթացի սկիզբ՝ Հունիսի 14, 14:00-18:00
Դասընթացի տևողություն՝ Հունիսի 14 -15, 8 ժամ
Դասընթացի վայր՝ «Էլիտ Պլազա» բիզնես կենտրոն (ք. Երևան, Մ.Խորենացու 15)
Դասընթացի արժեք՝ 36000 ՀՀ դրամ
Գրանցման վերջնաժամկետ՝ Հունիսի 7
Կապ՝ nmelikyan@corpgov.am, k.tsokolakyan@iod.am +374 10 546431
ԴԱՍԸՆԹԱՑԱՎԱՐՆԵՐ
Դասընթացը վարելու են բնագավառի տեղացի լավագույն մասնագետները (Ահարոն Չիլինգարյան, Տիգրան Կարապետյան, Նարինե Մելիքյան, Արտաշես Տոնոյան, Խաչատուր Ցոկոլակյան, Հայկ Ոսկանյան, Ալեքսանդր Խաչատուրյան), ինչպես նաև Միջազգային Ֆինանսական Կորպորացիայից հրավիրված փորձագետ Ալեքսեյ Վոլինեցը (ՄՖԿ-ի Վաշինգտոնի գրասենյակ):
Ահարոն Չիլինգարյան
Աշխատանքային փորձի մեջ են պետական և մասնավոր, գիտական և կրթական բնագավառները, մասնավորապես հարկային պետական ծառայություն, Ազգային վիճակագրական ծառայություն, ՀՀ կենտրոնական բանկ, Երևանի լամպերի գործարան Հատուկ մաքուր քիմիական նյութերի գիտա-արտադրական ձեռնարկություն, KPMG Armenia, “Պարադիգմա Արմենիա” խորհրդատվական և հետազոտական ընկերություն (ներկայումս է աշխատում, որպես հիմնադիր-տնօրեն):
Դասավանդման փորձը ներառում է տարբեր ֆորմատներ, ներկայումս՝ Հայաստանի ֆրանսիական համալսարանի մագիստրական բաժինը:
Մասնագիտական ցանցի անդամությունը ներառում է Հաշվապահների և աուդիտորների ասոցիացիան, Գործարարների և արդյունաբերողների միությունը և այլն: 2015թ. ընտրվել է Տնօրենների հայկական ինստիտուտի խորհդրի անդամ և նախագահ:
Ալեքսեյ Վոլինեց
Ալեքսանդր Խաչատուրյան
Ալեքսանդր Խաչատուրյանը Բոստոնի Համալսարանի Իրավաբանական Դպրոցի շրջանավարտ է, որտեղից ստացել է ֆինանսական և բանկային իրավունքի մագիստրոսի կոչում:
Ալեքսանդրը արժանացել է Դենիս Արոնովիտցի անվան ակադեմիական ոլորտում գերազանցության մրցանակի: Իր առաջին բարձրագույն կրթությունը Ալեքսանդր Խաչատուրյանը ստացել է Հայաստանում Ֆրանսիական Համալսարանի իրավաբանական ֆակուլտետից:
Ալեքսանդր Խաչատուրյանը Հայաստանում Ֆրանսիական Համալսարանի դասախոս է, որտեղ դասավանդում է կորպորատիվ ֆինանսների իրավունք:
Արտաշես Տոնոյան
Մինչ այդ, Արտաշես Տոնոյանը աշխատել է Վերակառուցման և Զարգացման Եվրոպական Բանկի երևանյան և լոնդոնյան գրասենյակներում։ Նա ունի սեփական կապիտալում ներդրումներ կատարելու, ներդրումները կառավարելու փորձառություն մանրածախ առևտրի, պարենի, հեռահաղորդակցության, անշարժ գույքի, շինանյութերի ոլորտներում։ Նա ունի տնտեսագետի դիպլոմ Երևանի պետական համալսարանից (1998), Գործարար Ղեկավարման Մագիստրոսի աստիճան Հայաստանի Ամերիկյան Համալսարանից (2000), տնտեսական գիտությունների թեկնածու է (Տնտեսագիտության և կառավարման ինստիտուտ (2001) և Լոնդոնի Բիզնես Դպրոցի Ֆինանսների Մագիստրոս է (2011)։ Բացի այդ, նա մասնակցել է մի շարք ուսուցողական ծրագրերում Հարվարդ Բիզնես Դպրոցում, Ջաջ Բիզնես Դպրոցում և այլ ուսումնական հաստատություններում։ Նա սիրում է զբաղվել տարբեր մարզաձևերով, սիրում է ճամփորդությունը և լեռնագնացությունը և, որ ամենակարևորն է, նա ամուսնացած է և ունի երկու երեխա։
Խաչատուր Ցոկոլակյան
Ավելի վաղ իր կարիերայում նա զբաղեցրել է տարբեր պաշտոններ ՀՀ կենտրոնական բանկում և հայկական առևտրային բանկերում, ղեկավարել է Ֆինանսաբանկային քոլեջ հիմնադրամը, հանդես է եկել «ԱՔՌԱ» գործակալության և բելգիական «ԱԴԵ» խորհրրդատվական ընկերության խորհրդատուն Հայաստանում: Իր կարիերայի ընթացքում նա ակտիվորեն հետապնդել է դասավանդման հնարավորությունները եւ ձեռք է բերել ավելի քան 15 տարվա դասավանդման փորձ, այդ թվում Ֆինանսաբանկային քոլեջում, Հայստանում ֆրանսիական Համալսարանում, Միջազգային Հաշվապահական Ուսումնական Կենտրոնում, Բիզնեսի Աջակցման Կենտրոնում եւ Հայաստանի Ամերիկյան Համալսարանում: 2005թ.-ից պարոն Ցոկոլակյանն աշխատում է «Սի Էֆ Էֆ Սերվիսիս» ՓԲԸ-ում որպես ֆինանսական խորհրդատու, իսկ 2010թ.-ից առ այսօր նա զբաղեցնում է գլխավոր տնօրենի պաշտոնը: 2011թ.-ից հանդիսանում է «ՍԵՖ Ինտերնեյշնլ ՈՒՎԿ» ՍՊԸ-ի խորհրդի անդամ:
2015թ. ապրիլի 15-ին կայացած «Տնօրենների Հայկական Ինստիտուտ» (ՏՀԻ) ՀԿ անդամների հիմնադիր ժողովի որոշմամբ Խաչատուր Ցոկոլակյանն ընտրվել է «ՏՀԻ» ՀԿ-ի տնօրեն:
Հայկ Ոսկանյան
Աշխատանքային գործունեությունը սկսել է Կենտրոնական բանկում, զբաղեցնելով տարբեր պաշտոններ վիճակագրության վարչությունում, ֆինանսական դիտարկումների կենտրոնում և կենսաթոշակային բարեփոխումների նախապատրաստման խմբում: Անմիջական մասնակցություն է ունեցել կենսաթոշակային բարեփոխումների նախագծմանը և իրականացմանը Կենտրոնական բանկում, Աշխատանքի և սոցիալական հարցերի նախարարությունում և Հայաստանի Կենտրոնական Դեպոզիտարիայում (ՆԱՍԴԱՔ ՕԷՄԷՔՍ խումբ): 2012թ-ից, ստեղծման պահից եղել է ՀՀ առաջին ներդրումային և կենսաթոշակային ֆոնդի կառավարիչ ընկերության՝ Կապիտալ Ասեթ Մենեջմենթ ՓԲԸ, գործադիր տնօրենը: 2014թ. Օգոստոսից Ազգային Հիփոթեքային Ընկերություն ՎՎԿ ՓԲԸ գործադիր տնօրենն է: 2011թ. սկսած դասավանդում է Հայաստանում ֆրանսիական համալսարան հիմնադրամում:
Նարինե Մելիքյան
Մասնագիտական հետաքրքրությունների շրջանակում են կորպորատիվ կառավարմանը, կորպորատիվ պատասխանատվությանը, տնտեսական աճին, ֆինանսական շուկաներին և ներդրումներին առնչվող հիմնախնդիրները:
Հանդիսանում է մի շարք հետազոտական ծրագրերի ղեկավար և փորձագետ: Հեղինակել է ավելի քան 50 հոդվածներ, «Ընտանեկան ընկերությունները Հայաստանում» գիրքը և համահեղինակ է “ARMENIAN INVESTMENT GUIDE – 2005” ձեռնարկի և «Ներդրումները Հայաստանում. տնտեսական աճի գրավական (հիմնախնդիրներ, մոտեցումներ, լուծումներ)» գրքի:
Մասնավոր հատվածում աշխատանքը («Կապիտալ Ինվեստմընթս» ՓԲԸ ներդրումային ընկերություն) համատեղում է գիտա-մանկավարժական գործունեության հետ: Դասավանդում է Երևանի պետական համալսարանում:
Նարինե Մելիքյանը Տնօրենների Հայկական Ինստիտուտի տնօրենների խորհրդի, ինչպես նաև տնօրենների խորհրդի Կրթական և ուսուցման հարցերի հանձնախմբի անդամ է:
Տիգրան Կարապետյան
Պրն Կարապետյանը հանդիսանում է Ֆայնենշըլ Թայմզ Ոչ-Գործադիր Տնօրենների Ակումբի անդամ, ունի տնտեսագիտության թեկնածուի գիտական աստիճան, և Քեմբրիջի Համալսարանում (ՄԹ) եղել է հետազոտող՝ կորպորատիվ ֆինանսների բնագավառում: Նա նաև ունի ավելի քան 15 տարվա դասավանդման փորձ, և ներկայումս դասավանդում է Երևանի Պետական Համալսարանում:
Ավելի մանրամասն տեղեկատվություն ԴԱՍԸՆԹԱՑԻ և ԴԱՍԸՆԹԱՑԱՎԱՐՆԵՐԻ վերաբերյալ Դուք կարող եք ստանալ՝ այցելելով www.corpgov.am, www.iod.am