ԱՇԽԱՏԱՆՔԻ ՆԿԱՐԱԳԻՐ՝
Թումո ստեղծարար տեխնոլոգիաների կենտրոնին անհրաժեշտ է փորձառու, մոտիվացված և խանդավառ միջոցառումների համակարգող, ով պատասխանատու կլինի Թումոյի միջոցառումների կազմակերպման և համակարգման համար թե՛ կենտրոնում, և թե՛ կենտրոնից դուրս:
ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ՝
- Կազմակերպել և վերահսկել կոնֆերանսներ, փառատոններ, ցուցահանդեսներ և այլ միջոցառումներ Թումոյում՝ մեկնարկի փուլից մինչև փակումը,
- Համակարգել և գրանցել միջոցառումների համար նախանշված տեխնիկական/լոգիստիկ պահանջները և նախքան միջոցառումն իրականացնել սարքավորումների փորձարկում՝ դրանց անխափան աշխատանքում համոզվելու համար,
- Ապահովել միջոցառումների վերաբերյալ հայտարարությունների ժամանակին տեղադրումը, ինչպես նաև խթանել միջոցառումների գովազդը,
- Ապահովել միջոցառման վայրի մաքրությունը միջոցառումից առաջ և հետո,
- Վարձակալել անհրաժեշտ լսողա-տեսողական սարքավորումերը և այլ պարագաները՝ ըստ անհրաժեշտության,
- Եզրափակել բոլոր միջոցառումները, ինչպես հարկն է, և պատրաստել հաշվետվություններ,
- Մշտադիտարկել և գնահատել միջոցառումները,
- Ապահովել բոլոր փաստաթղթերի (պայմանագրերի, հաշիվ-ապրանքագրերի) ժամանակին պատրաստումը,
- Աջակցել աշխատակազմի մյուս անդամներին միջոցառումների կազմակերպման մեջ,
- Կապող օղակ հանդիսանալ միջոցառումների/դասախոսությունների և Թումոյի ուսանողների միջև և ապահովել թումոցիների՝ դրանց մեջ ներգրավումը,
- Ըստ անհրաժեշտության իրականացնել ճանաչողական շրջայցեր Թումոյում,
- Պատրաստել ամսական տեղեկագրեր անձնակազմի համար,
- Ապահովել գալիք դասընթացների և միջոցառումների ժամանակին թարմացումը կայքէջի օրացույցում,
- Նախագծել և նախաձեռնել միջոցառումներ Թումոյի ուսանողների համար:
ՊԱՀԱՆՋՎՈՂ ՈՐԱԿԱՎՈՐՈՒՄՆԵՐ՝
- Առաջատար բարձրագույն ուսումնական հաստատության կողմից տրված ավարտական վկայական (դիպլոմ)՝ցանկալի է կառավարման ոլորտում,
- Առնվազն երկու տարվա աշխատաքային փորձ միջոցառումների կազմակերպման և համակարգման ոլորտում,
- Լայնամասշտաբ միջոցառումների կազմակերպման փորձ,
- Կազմակերպչական հմտություններ և խնդիրների լուծման նկատմամբ ստեղծագործ մոտեցում,
- Կրթական ոլորտում և երեխաների հետ աշխատանքի փորձն առավելություն է,
- Թե՛ անհատապես, և թե՛ մեծ թիմի կազմում արդյունավետ աշխատելու ունակություն,
- Կանոնավոր կերպով բարձր աշխատանքային արտադրողականություն ապահովելու ունակություն,
- Ճկունություն աշխատանքային ժամանակացույցի վերաբերյալ,
- Հաղորդակցման գերազանց հմտություններ, ներառյալ՝ գրավոր հաղորդակցում, ներանձնային շփում և հանրային ելույթներ՝ հայերեն, անգլերեն և ռուսերեն լեզուներով:
Աշխատանքին դիմելու և մանրամասն տեղեկատվություն ստանալու համար խնդրում ենք դեկտեմբերի 4-ին մասնակցել Արմենիա Մարիոթ հյուրանոցի Տիգրան Մեծ սրահում անցկացվող աշխատանքի տոնավաճառին: