Իրավաբանական տնօրենի թափուր աշխատատեղ
Beeline Հայաստանը` Հայաստանի ֆիքսված և շարժական կապի խոշորագույն օպերատորը, գտնվելով դինամիկ փոփոխությունների փուլում և նպատակ ունենալով բարձրացնել իր հաճախորդների գոհունակությունը և արդարացնել նրանց վստահությունը, փնտրում է թեկնածուներ «Իրավաբանական տնօրեն»-ի թափուր աշխատատեղի համար:
Պաշտոնի անվանում` Իրավաբանական տնօրեն
Տնօրինություն` Գլխավոր տնօրինություն
Հիմնական պարտականություններ
- Իրավաբանական տնօրինության աշխատանքների կառավարում և կազմակերպում:
- Ընկերության օրինական շահերի և իրավունքների պաշտպանման կազմակերպում դատական, պետական, մունիցիպալ և ոչ պետական մարմիններում:
- Ընկերության գործունեության համապատասխանելիության ապահովում ՀՀ օրենսդրության, միջազգային նորմերի, ինչպես նաև Ընկերության ներքին իրավական ակտերին համապատասխան:
- Ընկերության առևտրային և այլ գործունեության իրավական աջակցման կազմակերպում:
- Միջֆունկցիոնալ համագործակցության իրականացման կոորդինացում:
Կրթություն`Բարձրագույն իրավաբանական կրթություն
Հմտություններ
- ՀՀ գործող օրենսդրության իմացություն;
- Հեռահաղորդակցության և տեղեկատվական տեխնոլոգիաների ոլորտի օրենսդրության իմացություն;
- Իրավաբանական գործավարության և իրավաբանական փաստաթղթերի հետ աշխատանքի հմտություններ;
- Բանակցություններ վարելու և երկարատև գործակցության կառուցման գերազանց հմտություններ;
- Վերլուծողական, կազմակերպչական և ղեկավարման գերազանց հմտություններ;
- Աշխատակազմ ղեկավարելու ձիրք;
- Թիմ կազմավորելու գերազանց հմտություններ և ունակություններ;
- Հաղորդակցվելու ունակություն և սթրեսսակայունություն;
- Մարդկանց հետ կոնֆլիկտային իրավիճակներում շփվելու ունակություն;
- Արագ կողմնորոշվելու ունակություն և նախաձեռնողականություն;
- Առաջնահերթություններ սահմանելու և բարդ իրավիճակներում արդյունավետ որոշումներ կայացնելու ունակություններ;
- Սեղմ ժամկետներում աշխատելու կարողություն;
- Համակարգչային գերազանց գիտելիքներ` Microsoft Office, ինչպես նաև «Իրտեկ» իրավաբանական տվյալների բազայի հետ աշխատելու հմտություններ;
- Հայերեն, ռուսերեն և անգլերեն լեզուների վարժ իմացություն:
Աշխատանքային փորձ
- Առնվազն 5 տարվա աշխատանքային փորձ իրավաբանության ոլորտում;
- Առնվազն 3 տարվա աշխատանքային փորձ ղեկավար պաշտոններում:
- Փաստաբանի արտոնագիրը ցանկալի է:
Փոխհատուցումներ և արտոնություններ
- Աշխատավարձը պայմանագրային հիմունքներով;
- Լիարժեք բժշկական ապահովագրություն;
- Մասնագիտական վերապատրաստում:
Աշխատանքին դիմելու և մանրամասն տեղեկատվություն ստանալու համար խնդրում ենք դեկտեմբերի 4-ին մասնակցել Արմենիա Մարիոթ հյուրանոցի Տիգրան Մեծ սրահում անցկացվող աշխատանքի տոնավաճառին: