Tumo Center for Creative Technologies  Follow

Աշխատանք - Հաղորդակցման բաժնի մասնագետ, ԹՈՒՄՈ, Երևան

Publish Date: Nov 25, 2015

Deadline: Dec 04, 2015

ԱՇԽԱՏԱՆՔԻ ՆԿԱՐԱԳԻՐ՝

Թումո ստեղծարար տեխնոլոգիաների կենտրոնի հաղորդակցման բաժնին անհրաժեշտ է խանդավառ և տաղանդավոր մասնագետ, ով պատասխանատու կլինի կենտրոնի հաղորդակցման միջոցների համար բազմապիսի բովանդակության ստեղծման, սոցիալական մեդիայի մեր հարթակների կառավարման և լրատվական այլ աշխատանքների հաճույքով իրականացման համար: Աշխատանքը պահանջում է ստեղծարարության և մանրուքների նկատմամբ ուշադրության բարձր մակարդակ:

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ՝

  • Գրել, խմբագրել, սրբագրել և թարգմանել բազմազան թեմաներով հոդվածներ Թումոյի պաշտոնական՝org կայքէջի համար,
  • Թարմացնելorg կայքէջի բովանդակությունը՝ կիրառելով կայքէջի կառավարման գործիքները,
  • Կառավարել կենտրոնի սոցիալական մեդիայի հատկագրերը և դրա առցանց ներկայությունը՝ Facebook, Twitter, Instagram և այլ համապատասխան լրացուցիչ միջոցներով,
  • Ստեղծել տարածելի բովանդակություն՝ համապատասխան համագործակցային կապեր հաստատելու և մեր առաքելությունը ծավալելու նպատակով,
  • Պատրաստել մամլո հաղորդագրություններ, լրատվամիջոցների համար տեղեկատվություն, հայտատարություններ, ինչպես նաև պաստառների և ելույթների բովանդակություն,
  • Համագործակցային կապեր հաստատել ազդեցիկ լրատվամիջոցների և լրագրողների հետ՝ կազմակերպության նորությունները և այլ նախաձեռնությունները լուսաբանելու նպատակով,
  • Իրականացնել կենտրոնի գործունեության վերաբերյալ լրատվամիջոցների լուսաբանումների և սոցիալական մեդիայի քննարկումների մշտադիտարկում,
  • Համագործակցել հաղորդակցման թիմի հետ և աջակցել նրանց՝ կենտրոնի առաքելությունը խթանող, ուսանելի ու զվարճալի բովանդակություն տարածելու ուղղությամբ,
  • Հետազոտել սոցիալական համագործակցություն որոշարկելու և հաստատելու նոր ուղիներ, ինչպես նաև ուսումնասիրել և խթանել լրատվամիջոցների հետ համագործակցությունը,
  • Սղագրել ղեկավարության ելույթները և կազմակերպել նրանց մասնակցությամբ հարցազրույցներ,
  • Ըստ անհրաժեշտության իրականացնել ճանաչողական շրջայցեր Թումոյի հյուրերի համար,
  • Գրել և աշխատակազմին ուղարկել ներքին շրջանառության հաղորդագրություններ՝ Թումոյի կորպորատիվ ձեռագրին և գրելաոճին համահունչ,
  • Մասնակցել կորպորատիվ միջոցառումների և նախաձեռնությունների մշակմանը և մեկնարկմանը,
  • Կառավարել ներքին հաղորդակցման առկա միջոցները (տեղեկագրեր, էլ. նամակներ/ հուշագրեր, հայտարարություններ և այլն):

ՊԱՀԱՆՋՎՈՂ ՈՐԱԿԱՎՈՐՈՒՄՆԵՐ՝

  • Լրագրության կամ հանրային կապերի ոլորտում զգալի աշխատանքային փորձ,
  • Գրավոր և բանավոր հաղորդակցման, պատմասության և լրագրողական գերազանց հմտություններ, ներառյալ՝ փաստերը և ներքին զգացողությունը համադրելու հմտություն և ոճաբանությունը, երանգավորումն ու հնչեղությունը տարբեր բովանդակությանը համապատասխանեցնելու կարողություն,
  • Արտաքին հաղորդակցման ռազմավարական փորձի վերաբերյալ, ներառյալ՝ սոցիալական մեդիայի օգտագործման խորը գիտելիքներ,
  • Որպես թիմի անդամ և առաջնորդ արդյունավետ աշխատելու կարողություն,
  • Ստեղծարար մտածողություն և գաղափարներ հղացնելու ունակություն,
  • Մանրուքների նկատմամբ ուշադրության, խմբագրման և սրբագրման ապացուցելի հմտություններ,
  • Տեխնիկական ուժեղ հմտություններ՝ Microsoft Office, թվային մեդիայի գործիքներ, վեբ, սոցիալական և բջջային հավելվածներ և հարթակներ,
  • Կազմակերպչական ուժեղ հմտություններ և մի քանի համաժամանակյա նախագծեր իրականացնելու կարողություն՝ վերջնաժամկետների սահմաններում և բարձրորակ արդյունքներ ապահովելով:

ՎԱՅՐԸ՝

Երևան, Հայաստան

Աշխատանքին դիմելու և մանրամասն տեղեկատվություն ստանալու համար խնդրում ենք դեկտեմբերի 4-ին մասնակցել Արմենիա Մարիոթ հյուրանոցի Տիգրան Մեծ սրահում անցկացվող աշխատանքի տոնավաճառին:

Similar Opportunities