EducationUSA հայաստանյան գրասենյակը սիրով հրավիրում է ավագ դպրոցների և քոլեջների աշակերտներին, ովքեր հետաքրքրված են շարունակել կրթությունը ԱՄՆ-ում, մասնակցելու առաջին անգամ անցկացվող առցանց կրթական ցուցահանդեսին, որը տեղի կունենա ս․թ․ մարտի 20-ին, ժամը 13։00-19։00։
Այս բացառիկ միջոցառումը հնարավորություն կտա ձեզ հենց ձեր տանից զրուցելու ԱՄՆ 40 համայնքային քոլեջների պաշտոնական ներկայացուցիչների հետ՝ ձեզ հուզող հարցերն ուղղելու և առաջնային տեղեկատվություն ստանալու համար:
Իմացեք ավելին համայնքային քոլեջների մասին այստեղ:
Առցանց կրթական ցուցահանդեսին զուգահեռ իրականացվելու են նաև թեմատիկ կարճ դասախոսություններ, որի ընթացքում կներկայացվեն ԱՄՆ համայնքային քոլեջներն ու դրանց կրթական ծրագրերեը, դիմելու գործընթացը, ինչպես նաև մրցունակ դիմորդ լինելու և կրթաթոշակի հավակնելու մանրամասներ։ Ցուցահանդեսի օրակարգը և մասնակից քոլեջների ցանկը կտրամադրվի գրանցվելուց հետո։ Ցուցահանդեսին մասնակցելու համար առցանց գրանցումը պարտադիր է։ Մասնակցությունն անվճար է։
Հետևեք հղմանը՝ գրանցվելու համար՝ https://acfairs.easyvirtualfair.com/prefair/