Հայաստանի ամերիկյան համալսարանը (ՀԱՀ) և Ճարտարապետության և շինարարության Հայաստանի ազգային համալսարանը (ՃՇՀԱՀ) համատեղ առաջարկում են 2017թ. ամռան ընթացքում
«ՔԱՂԱՔԱՅԻՆ ՄԻՋԱՎԱՅՐԻ ՔԱՐՏԵԶԱԳՐՈՒՄ. ՍԵՆՍՈՐԱՅԻՆ և ՎԻԶՈՒԱԼԻԶԱՑՄԱՆ ԳՈՐԾԻՔՆԵՐԻ ԴԱՇՏԱՅԻՆ ԿԻՐԱՌՈՒՄ» դասընթացը
Դասընթացի համառոտագիր. առարկան անդրադառնում է քաղաքային միջավայրի տարածա-ժամանակային քարտեզագրմանը՝ շեշտադրելով սենսորային և վիզուալիզացման տեխնոլոգիաների դաշտային կիրառումը: Դասընթացի մասնակիցներին կներկայացվի առկա սենսորային և նորագույն քարտեզագրման հարթակների օգտագործմամբ քաղաքային միջավայրի տվյալների ձեռքբերման և վիզուալիզացման տեսական և գործնական ոլորտը: Դասընթացը խրախուսում է ուսանողների ակտիվ մասնակցությունը և հագեցած դաշտային աշխատանքները: Ուսանողները կկիրառեն քարտեզագրման, վիզուալիզացման և ֆիզիկական հաշվարկների կատարման հետևյալ պլատֆորմներին՝ քարտեզագրման համար՝ ArcGIS կամ QGIS (անվճար աղբյուր), տվյալների մշակման և վիզուալիզացման համար՝ Rhino3D և դրան կից Grasshopper-ին և ֆիզիկական հաշվարկների և շրջակա միջավայրի տվյալների ձեռքբերման համար՝ Arduino ծրագիրը: Դասընթացի ավարտին ուսանողները կստեղծեն և կներկայացնեն իրենց կատարած աշխատանքի և եզրակացությունների վերաբերյալ 5 րեպեանոց տեսանյութ:
Դասընթացավարներ՝ Բիայնա Բողոսյան (ՀԱՀ), Սուրեն Թովմասյան (ՃՇՀԱՀ), Մարտիրոս Ծառուկյան (փորձագետ)
Տևողություն՝ հուլիսի 6-26, 2017թ., երկուշաբթի-ուրբաթ, ժ.՝ 9:30-13:00
Ուսուցման լեզուն՝ անգլերեն
Դիմումների վերջնաժամկետ՝ հունիսի 23, 2017թ.
Ընդունելություն՝ անհրաժեշտ է ՀԱՀ Յակոբեան բնապահպանական կենտրոնի կողմից թույլտվություն: Ուղարկել CV և նպատակի նամակ (անգլերեն) ace@aua.am էլ. հասցեին:
Գրանցման, վճարումների և այլ մանրամասների համար այցելեք՝ http://ace.aua.am/summer2017: