Join ARMACAD Today

Join over 100,000 researchers, students and professionals.

Subscribe and get new opportunities every day.

Sign Up


Հայաստանում Զբոսաշրջության Զարգացման Ուղղված Գաղափարների Մրցույթ Վանաձորի Տեխնոկենտրոնում 2018


Deadline:

April 02, 2018, 18:00


Opportunity Cover Image - Հայաստանում Զբոսաշրջության Զարգացման Ուղղված Գաղափարների Մրցույթ Վանաձորի Տեխնոկենտրոնում 2018

«Հայաստանում զբոսաշրջության զարգացման ուղղված գաղափարների» մրցույթ

Վանաձորի տեխնոլոգիական կենտրոնը Ձեռնարկությունների ինկուբատոր հիմնադրամի, ՀՀ տնտեսական զարգացման և ներդրումների նախարարության զբոսաշրջության պետական կոմիտեի և Լոռու մարզպետարանի հետ համատեղ հայտարարում է «Հայաստանում զբոսաշրջության զարգացման ուղղված
գաղափարների» մրցույթ: Մրցույթի իրականացմանն աջակցում է ԵՄ-ն՝ Բիզնեսի համար նախաձեռնության մաս կազմող «Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրոպական միության եւ Գերմանիայի դաշնային հանրապետության տնտեսական համագործակցության եւ զարգացման նախարարության կողմից: Այն իրականացվում է ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում: Մրցույթը նպատակ ունի խթանել զբոսաշրջության ոլորտը Հայաստանում՝ շուկայում ներդնելով ոլորտի նորարար լուծումներ եւ ծառայություններ, որոնք առավել գրավիչ կլինեն զբոսաշրջիկների համար եւ կապահովեն ավելի մեծ եկամուտ դրանց իրագործողներին:

Ժյուրիի կողմից կխրախուսվեն նորարարական գաղափարներ մասնավորապես
հետևյալ ոլորտներում.

1. Հայաստանում տուրիզմի մասին իրազեկման տեխնոլոգիական լուծումներ
2. Տեղեկատվության որոնման բարելավում
3. Տեղեկատվական և Բարձր տեխնոլոգիական լուծումների մշակում ուղղված զբոսաշրջության ոլորտի զարգացմանը

Մրցույթի նպատակներից մեկն էլ Լոռու մարզում և  Վանաձորում զարգացնել զբոսաշրջությունը։ Ողջունելի են նաև այն գաղափարները, որոնք կարող են զարգացնել գինու, ժառանգության և էկո տուրիզմի ուղղությունները: Մրցույթն ի հայտ կբերի զբոսաշրջության բնագավառի նորարար ծառայությունների/լուծումների գաղափարներ, որոնք կհետաքրքրեն զբոսաշրջիկներին ինչպես Հայաստանի, այնպես էլ համաշխարհային տուրիստական շուկայում և կապահովեն զբոսաշրջիկների ավելի մեծ ներհոսք ու եկամուտներ: Կազմակերպիչները կընդունեն հստակ իրականացման պլանով գաղափարների հայտեր, որոնց բյուջեն չի գերազանցի 25.000.000 դրամը: Կազմակերպիչների կողմից սահմանված չափանիշների համաձայն ամբողջ Հայաստանից նախնական փուլով հայտերի հիման վրա կընտրվեն այն թիմերը, որոնք հանդես կգան եզրափակիչ փուլում՝ ժյուրիի առաջ: Թիմի անդամների առավելագույն քանակը 4 է: «Հայաստանում զբոսաշրջության զարգացմանն ուղղված գաղափարներ» մրցույթի եզրափակիչ փուլը՝ Հեքըթոնը կանցկացվի ապրիլի 7-8-ը, Վանաձորի տեխնոլոգիական կենտրոնում: Թիմերը 24 ժամվա ընթացքում կաշխատեն իրենց գաղափարների/լուծումների նախատիպերի վրա որոնք կներկայացնեն ժյուրիին: Ժյուրիի անդամները կլինեն ոլորտի լավագույն մասնագետներ: Մրցույթի հաղթողների համար սահմանվում են 2.000.000 ՀՀ դրամ, 1.200.000 ՀՀ դրամ և 750.000 ՀՀ դրամ մրցանակներ: Նշված մրցանակները կտրամադրվեն առաջարկվող լուծումների մշակման համար մասնագիտական ծառայությունների տեսքով. մարքեթինգային ծախսեր, թարգմանություն կամ ուսումնական այց դեպի Եվրոպա: Երևանի, Գյումրիի, Ստեփանավանի և Ալավերդիի թիմերի համար կտրամադրվի  երկկոցմանի տրանսպորտ:

Խնդրում ենք գրանցվելու համար սեղմել այստեղ:

Գրանցմանվերջնաժամկետն է ապրիլի 2, 18:00:

Լրացուցիչ տեղեկությունների համար սեղմեք «LINK TO ORIGINAL» կոճակը:


Eligible Countries
Host Country
Event Type
Publish Date
March 27, 2018




0 Comments


Subscribe to our newsletter

and receive information about international academic and professional opportunities

scholarships, summer schools, conferences, grants, fellowships, trainings


Sign Up