Վերապատրաստման դասընթաց – Մոդելներ կետային (դետերմինիստիկ) և միջակայքային (ստոխաստիկ) կանխատեսումների համար

հրավիրում է Ձեզ մասնակցելու տեսակոնֆերանսային վերապատրաստման 

 

  

թեմայով

 

դոկտ. Ռաֆաել Բախտավորյանի ներկայացմամբ, Տեխասի A&M համալսարան

 

Եռօրյա վերապատրաստման դասընթացը տեղի կունենա փետրվարի 19-ին, 20-ին և 21-ին, Ագրոբիզնեսի հետազոտությունների և կրթության միջազգային կենտրոնում (ICARE):

Հասցեն՝ Երևան, 0009 Տերյան 74:

 

18:30-21:30 (ներառյալ սուրճի ընդմիջումը): Մանրամասն տեղեկությունները՝ ներքոբերյալ օրակարգում:

 

Վերապատրաստման դասընթացի աշխատանքային լեզուն հայերենն է, սակայն PowerPoint սահքահանդեսը կլինի անգլերեն:

 

Սկսնակ/ Միջին մակարդակ

 

Կանխատեսումները փոքր և մեծ ձեռնարկությունների բիզնեսի ոլորտի վերլուծաբանների տրամադրության տակ եղած կարևոր գործիք են՝ ճշգրիտ որոշումներ ընդունելու համար: Այս գործնական վերապատրաստման ժամանակ մասնակիցները կծանոթանան տարբեր քանակական մոդելների, որոնք օգտագործվում են կանխատեսումներ անելու համար (օրինակ, ՀՆԱ-ն, գները, վաճառված քանակությունը, հասույթը, ծախսերը, տոկոսադրույքները, փոխարժեքը և այլն): Այս վերապատրաստման տարբերակիչ առանձնահատկությունն այն է, որ այն նպատակաուղղվելու է քանակական տարբեր մոդելներից՝ թե դետերմինիստիկ կամ կետային (առանց ռիսկի) և թեմիջակայքային կամ ստոխաստիկ (ռիսկի առկայությամբ) կանխատեսումների ստացմանը: Կանխատեսումների մոդելները ներառում են ռեգրեսիայի վրա հիմնված մոդելներ՝ գծային և ոչ գծային տրենդ, կառուցվածքային փոփոխություններ, սեզոնայնություն և պարբերաշրջանային փոփոխություններկանխատեսելու համար:

 

Վերապատրաստման սույն դասընթացի նպատակն է մասնակիցներին տրամադրել գործնական հմտություններ և օգնել նրանց՝ գործարար համատեքստում իրազեկ տնտեսական որոշումներ ընդունելու հարցում: Ներածական այս դասընթացը լայնորեն օգտվում է ռեգրեսիայի վրա հիմնված կանխատեսումների մոդելներից, որոնք կիրառվում են տվյալների զանազան բազաների նկատմամբ և նախատեսված են բիզնեսի ոլորտում աշխատող խորհրդականների, վերլուծաբանների, տնտեսագետների, քաղաքականություն մշակողների, ուսանողների և շահագրգիռ այլ անձանց համար, ովքեր կանխատեսումներ և ռիսկերի վերլուծություն են անում արտադրության և ծառայությունների որևէ բնագավառում (բանկային գործ, խորհրդատվություն, սննդի արդյունաբերություն, արտադրություն, մեծածախ և մանրածախ առևտուր, տուրիզմ և այլն): Մենք չենք ակնկալում, որ մասնակիցները մանրակրկիտ կերպով տիրապետեն կանխատեսումների մոդելներին, սակայն խորհուրդ ենք տալիս, որ ունենան բազային գիտելիքներ ռեգրեսիոն վերլուծությունից և Microsoft Excel ծրագրից:

 

Եռօրյա վերապատրաստման ավարտին մասնակիցները կկարողանան՝

·         տարբերակել տվյալների (ՀՆԱ, գներ, վաճառված քանակություն, հասույթ, ծախսեր, տոկոսադրույքներ, փոխարժեք և այլն) միջոցով արտացոլվող փոփոխությունները (տրենդ, կառուցվածքային փոփոխություններ, սեզոնայնություն և պարբերաշրջանային փոփոխություններ):

·         Ստանալ ռեգրեսիայի համապատասխան մոդելներ կանխատեսման նպատակով:

·         Հաշվարկել մոդելը (կամ մոդելները), որոշել լավագույն մոդելը և մեկնաբանել արդյունքները:

·         Կատարել թե կետային (կամ դետերմինիստիկ)  և թե միջակայքային (կամ ստոխաստիկ) տնտեսական կանխատեսումներ:

·         Բիզնեսի ոլորտի կառավարիչներին առաջարկություններ անել՝ որոշում ընդունելու գործընթացը հեշտացնելու նպատակով:

Օգտագործվելու է Excel-ի Simetar ծրագիրը: Simetar 2011-ի ամբողջական անվճար փորձնական օրինակը՝ մեկ օգտագործողի լիցենզիայի լիարժեք ֆունկցիոնալությամբ և կարողություններով, կարելի է անվճար ներբեռնելwww.simetar.com-ից: Նախքան վերապատրաստման դասընթացի մեկնարկը, դասընթացի կազմակերպիչները փորձնական օրինակը անվճար կտեղադրեն Ձեր նոութբուքում, որը կգործի 30 օր:

 

Կօգտագործվի PowerPoint սահքահանդեսը և համակարգչային վարժությունների համադրությունը: Մասնակիցներին ուսուցման նյութերը կտրվեն նախապես: Լսարանի ինտերակտիվ մասնակցության միջոցով մեծապես կխրախուսվի դինամիկ քննարկումը:

 

Պրն Բախտավորյանը կիրառական տնտեսագիտության գծով գիտական աստիճան (Ph.D.) է ստացել Տեխասի A&M համալսարանից: Ներկայումս նա աշխատում է որպես Ագրոբիզնեսի ուսուցման կենտրոնի մագիստրատուրայի դասախոս: Նա դասավանդում է մագիստրոսական ծրագրի մաս կազմող այնպիսի առարկաներ, ինչպիսիք են էկոնոմետրիկան, կառավարչական տնտեսագիտությունը և ագրոբիզնեսի վերլուծությունը և կանխատեսումները: ICARE-ում դասավանդելուց առաջ պրն Բախտավորյանն աշխատել է Տեխասի A&M համալսարանի Ագրոբիզնեսի, պարենի և սպառողական պահանջարկի տնտեսագիտության հետազոտական կենտրոնում որպես կրտսեր գիտաշխատող: Ռաֆաելի գիտական հետաքրքրությունները վերաբերում են սպառողական պահանջարկի վերլուծության, կիրառական էկոնոմետրիկայի և սննդի անվտանգության ոլորտներին: Իր գիտահետազոտական գործունեության մեջ նա կանխատեսումների մոդելների օգտագործման մեծ փորձ ունի, ընդ որում նախկինում էլ է վերապատրաստման համանման ծրագրեր անցկացրել Հայաստանում (Բեյքր Թիլի Հայաստան, ICARE):

 

Խնդրում ենք դասընթացի համար գրանցվել՝ լրացնելով այս գրանցման ձևաթուղթը (կամ հայերենով կամ անգլերենով) և էլ. փոստով ուղարկեք ուսուցման դասընթացի համադրող Արթուր Գրիգորյանին՝ arthur@icare.amհասցեով: Գրանցման վերջնաժամկետը՝ փետրվարի 12, ժ.16:00: Տեսակոնֆերանսի սրահում նստատեղերի սահմանափակության պատճառով մասնակցության համար կծանուցվեն միայն նախապես ընտրված դիմորդները:

 

Վերապատրաստման դասընթացին մասնակցելու վճարը 40,000 դրամ է (ներառյալ ԱԱՀ-ն): Ուսուցման ավարտին մասնակիցները կստանան մասնակցության հավաստագրեր: Հավաստագիր ստանալու համար, մասնակիցները պետք է ներկա լինեն ամբողջ դասընթացին:

 

Հարցեր ունենալու դեպքում խնդրում ենք դիմել Արթուր Գրիգորյանին՝ էլփոստիarthur@icare.am հասցեով կամ զանգահարել 091 353342 հեռախոսահամարով: