Join ARMACAD today

Join over 80,000 researchers, students and professionals.

Subscribe and get new opportunities every day.

Sign Up


AcademicEarth՝ լավագույն դասախոսություններն առցանց


  Save in my favorites

AcademicEarth կայքը հիմնադրվել է 2009 թ-ի մարտի 24-ին Ռիչարդ Լուդլոուի և համահիմնադիրներ Քրիս Բրուների և Լայամ Պիսանոյի կողմից։

Աշխարհի տարբեր համալսարաններ առաջարկում են բաց դասախոսություններ տարբեր ամբիոններից ու տարբեր մասնագիտություններով: Օրինակ Մասաչուսեթսի տեխնոլոգիական համալսարանն առաջարկում է նման դասախոսություններին հետևել այս կայքի միջոցով http://ocw.mit.edu/index.htm, իսկ Յելի համալսարանը բաց դասախոսությունների իր ամբողջ փաթեթը տեղադրել է այստեղhttp://oyc.yale.edu/: Հարվարդն իր բաց դասընթացների կայքում հատուկ նշում է, որ համագործակցում է EdX-ի հետ http://www.harvard.edu/resources-offices/online-learning, իսկ Բերքլիի համալսարանն ամեն կիսամյակ ներկայացնում է նոր դասընթացներ http://webcast.berkeley.edu/: Այսպիսով, աշխարհի և հատկապես ԱՄՆ բազմաթիվ համալսարաններ ու ակադեմիական կենտրոններ ունեն բաց ու բոլորին հասանելի դասախոսությունների հսկայական շտեմարաններ, որոնք կարիք կար համակարգելու ու մեկ աղբյուրից ներկայացնելու: Ահա այս նպատակին է ծառայում academicearth-ը:

Այն առաջարկում է անվճար առցանց դասախոսություններ վերոնշյալ ու բազմաթիվ այլ համալսարաններից հետևյալ ոլորտներում՝ աստղագիտություն, կենսաբանություն, քիմիա, համակարգչային գիտություն, տնտեսագիտություն, անգլերեն գրականություն, ձեռնարկատիրություն, պատմություն, իրավունք, մաթեմատիկա, ճարտարագիտություն, բժշկություն, փիլիսոփայություն, ֆիզիկա, քաղաքագիտություն, հոգեբանություն, կրոն, վիճակագրություն և այլն։ Առարկաներին  ավելի մանրամասն ծանոթանալու համար կարող եք այցելել հետևյալ հղումով՝http://www.academicearth.org/subjects/։

Կայքի կառուցվածքը շատ պարզ է։ Այստեղ գրանցվելու կարիք չկա, անհրաժեշտ է միայն գտնել հետաքրքրող դասախոսությունը և դիտել։ AcademicEarth-ը տարբերվում է Coursera և EdX կայքերից հատկապես այն հանգամանքով որ վերջիններս ներկայացնում են դասախոսություններ իրական ժամանակում և դասախոսությունների ձայնագրություններին հնարավոր չէ հետևել դասընթացի ավարտից հետո: Իսկ AcademicEarth-ում ներկայացված դասախոսություններին ու ամբողջական դասընթացներին կարելի է հետևել ցանկացած ժամանակ և ի տարբերություն նախորդ երկու կայքերի այստեղ որևէ դասընթացի գրանցվել պետք չէ։

Դասախոսությունների կողքը տեղադրված է նաև տվյալ դասախոսի խորհրդով լրացուցիչ ընթերցանության համար գրքերի ցանկը, որոնք հնարավոր է ձեռք բերել amazon-ից։ Այլ քննարկված կայքերի համեմատ academic earth-ի կարևոր առնձնահատկությունն այն է, որ այստեղ կարելի է մասնակցել նաև միջազգային ստանդարտներին համապատասխան որոշ քննությունների (ACT, GMAT, GRE, LSAT, MCAT և SAT) նախապատրաստման դասընթացներին։ Այս թեստերից GMAT-ը և GRE -ին անհրաժեշտ են Հայաստանի ամերիկյան համալսարան ընդունվելու համար, բացի այդ այս երկուսը մյուսների հետ միասին կարևոր են արտերկրյա բուհեր ընդունվելու համար։

Կառուցվածքի տեսանկյունից կայքը մի հետաքրքիր առանձնահատկություն ունի։ Առարկաների, համալսարանների և դասախոսների ցանկի հետ միասին կարելի է տեսնել “Playlists” տողը, որտեղ բոլոր դասախոսությունները դասավորված են ըստ թեմաների։ Օրինակ ընտրելով “Love is in the air” playlist-ը կգտնեք դասախոսություններ, որոնք տարբեր մեկնաբանություններ են անում զգացմունքի, սիրո, ամուսնության վերաբերյալ՝ հոգեբանության, անգլերեն գրականության և տնտեսագիտության տեսանկյունից և նույն ձևով կարելի է գտնել դասախոսություններ այլ թեմաների շուրջ։



Publish Date
March 11, 2013




Subscribe to our newsletter

and receive information about international academic and professional opportunities

scholarships, summer schools, conferences, grants, fellowships, trainings


Change Preferences