«Երիտասարդ կենսաբանների ասոցիացիա» ՀԿ-ն, Երիտասարդ գիտնականների աջակցության ծրագրի ֆինանսական աջակցությամբ, կազմակերպում է երիտասարդ գիտնականների դպրոց՝ «Կենսաբանության մեջ ԱՏՀ /GIS/ կիրառման հիմունքները» խորագրով:
Դասընթացները կանցկացնի հրավիրված մասնագետ կենսաբանական գիտությունների դոկտոր, «Խորվաթական սողունաբանական ասոցիացիայի» ծրագրերի ղեկավար և Խորվաթիայի Կենսաբազմազանության ինստիտուտում ԱՏՀ-ի /GIS/ դասախոս Դուշան Ջելիկը: Դպրոցը նախատեսվում է իրականացնել 2 խմբի համար՝ յուրաքանչյուրում 15 մասնակից: Յուրաքանչյուր խմբի համար դասընթացը կտևի 3 օր: Դպրոցի աշխատանքային լեզուն անգլերենն է:
Դպրոցը տեղի կունենա ս/թ փետրվարի 13-21-ն ընկած ժամանակահատվածում «Երիտասարդ կենսաբանների ասոցիացիա» ՀԿ գրասենյակում՝ Չարենցի 18 հասցեով:
«Երիտասարդ կենսաբանների ասոցիացիա» ՀԿ-ն իր շնորհակալությունն է հայտնում Երիտասարդ գիտնականների աջակցության ծրագրին՝ դպրոցի կազմակերպման նպատակով ֆինանսական աջակցություն ցուցաբերելու համար, և «Ռաֆորդ» հիմնադրամին՝ ասոցիացիայի ընթացիկ գործունեությանն աջակցելու համար:
Մասնակցության հայտերի ներկայացման վերջնաժամկետն է ս/թ փետրվարի 5-ը:
Մասնակցության համար խնդրում ենք լրացնել հայտը՝ հետևելով հետևյալ հղմանը.