Կոլբա լաբը հայատարարել է նորարար տեխնոլոգիական գաղափարների մրցույթ առողջապահության թեմայով: Լավագույն հինգ գաղափարների հեղինակները կհրավիրվեն սոցիալական նորարարության ճամբարին (հուլիսի 8-10, 2016), որի արդյունքում ընտրված երկու հաղթող գաղափարների հեղինակները կստանան ֆինանսական աջակցություն՝ ծրագրերը իրականացնելու համար:
Ինչպե՞ս է հնարավոր առողջապահական ծառայությունները դարձնել մարդակենտրոն, ինչպես է կարելի հիվանդների ու բժիշկների միջև անխափան կապ ապահովել, և բավարարել ոլորտում գոյություն ունեցող/առկա կարիքներն առաջարկվող ծառայություններով: Արդյո՞ք հնարավոր է տեխնոլոգիական լուծում մշակել, օգտագործելով տվյալների մեծ բազաների (Big Data) կամ Իրերի ներցանցի (Internet of Things)գաղափարների կողմից առաջարկվող հնարավորությունները:
Ի՞նչ արդյունքների կարելի է հասնել, եթե սոց. ցանցերը ծառայեցնել սոցիալական խնդիրների լուծումների մշակմանը, գիտելիքների փոխանակման ու հաղորդակցության արդյունավետ կազմակերպմանը:
Ձեր նորարար գաղափարները կարող եք ներկայացնել այստեղ մինչև հունիսի 15-ը: Եթե չունեք նորարար գաղափար, բայց պատրաստ եք ձեր մասնագիտական օգնությունը առաջարկել ճամբարի ընթացքում, կարող եք մասնակցության հայտը գրանցել այստեղ:
Կոլբա Լաբի թիմը պլանավորել է մի շարք հանդիպումներ Հայաստանի քաղաքներում՝ ավելի մանրամասն պատմելու մրցույթի պայմանների մասին՝ թե ինչպիսի գաղափարներ ենք ակնկալում ստանալ, խոսելու ընտրության չափանիշների մասին և պատասխանելու ձեզ հետաքրքրող բոլոր հարցերին:
Հաստատված կայանալիք հանդիպումների ամսաթվերը հրապարակված են Կոլբա լաբի կայքում:
Հարցերի դեպքում գրեք/զանգեք:
Կսպասենք ձեր գաղափարներին,
Կոլբա լաբի թիմ
@kolbalab
060 530000 (*224)