Կրթությունը ԱՄՆ-ում
Ֆորում
18-ը մայիսի, 2016, ժամը՝ 12:00-18:00
Երևան, Հայաստան
Բեստ Վեստերն Կոնգրես հյուրանոց (Իտալիայի 1)
Մայիսի 18-ին EducationUSA Հայաստանը Ամերիկյան խորհուրդների, ՀՀ-ում ԱՄՆ դեսպանության և Հայաստանի ԱՄՆ շրջանավարտների ասոցիացիայի հետ համատեղ կհյուրընկալի Յեյլի համալսարանի շրջանավարտներին՝ մասնակցելու Կրթությունը ԱՄՆ-ում ֆորումին:
Ֆորումի առաջին մասում Յեյլի շրջանավարտները կարճ թեմատիկ զրույցների միջոցով ներկաներին կպատմեն ԱՄՆ համալսարանական կյանքի, համալսարաններ դիմելու գործընթացի և ԱՄՆ կրթական համակարգի այլ բաղադրիչների մասին:
Հաջորդիվ ներկաները հնարավորություն կունենան զրուցելու ԱՄՆ համալսարանների ավելի քան 30 շրջանավարտների հետ, ովքեր կկիսվեն ԱՄՆ-ում ձեռք բերած բարձրագույն կրթության իրենց փորձով:
Ֆորումը բաց է աշակերտների, ուսանողների, ծնողների, կրթական խորհրդատուների և բոլոր նրանց համար, ովքեր հետաքրքված են ձեռք բերել տեղեկատվություն ԱՄՆ բարձրագույն կրթության վերաբերյալ:
Մասնակցության համար խնդրում ենք լրացնել հետևյալ հայտը մինչև սույն թվականի մայիսի 15-ը:
Գրանցված մասնակիցները մինչև մայիսի 17-ը կստանան գրանցումը հաստատող նամակ:
Ֆորումի օրակարգին և այլ մանրամասներին ծանոթանալու համար խնդրում ենք այցելել www.americancouncils.am: