«Քաղաքացի նախագծի» հանրապետական շնորհանդես, 7 մայիսի 2016 թ., Երևան


Հրավիրում ենք Ձեզ մասնակցելու «Ժողովրդավարության և մարդու իրավունքի կրթությունը Հայաստանում» ծրագրի շրջանակներում իրականացվող «Քաղաքացի նախագծի» հանրապետական շնորհանդեսին:

«Քաղաքացի նախագծի» հանրապետական շնորհանդեսը կարևոր կրթական միջոցառում է, որի ընթացքում մասնակից դպրոցներն ու աշակերտական խմբերը ներկայացնում են Հասարակագիտություն առարկայի շրջանակներում նախագծային ուսուցման միջոցով իրենց կատարած աշխատանքներն ու ձեռքբերումները:

«Քաղաքացի նախագծի» հանրապետական շնորհանդեսին այս անգամ մասնակցելու են Կոտայքի, Տավուշի և Շիրակի մարզերի շուրջ 35 դպրոցներ և ավելի քան 350 աշակերտներ:

Շնորհանդեսին մասնակցելով Դուք հնարավորություն կունենաք ծանոթանալ սովորողների կողմից ուսումնասիրված համայնքային և հանրային հիմնախնդիրներին, դրանց առաջարկվող լուծումներին: Սովորողների կողմից ուսումնասիրված հիմնախնդիրներն առնչվում են սոցիալ-տնտեսական, ֆինանսաբանկային, բնապահպանական, կրթական և այլ հանրային ոլորտներին:

«Քաղաքացի նախագծի» հանրապետական շնորհանդեսը կայանալու է սույն թվականի մայիսի 7-ին՝ «Մարիոթ Արմենիա» հյուրանոցում, սկիզբը՝ ժամը 12.00-ին:

Մուտքն ազատ է:

Ժողովրդավարական կրթության հայկական կենտրոն-ՍԻՎԻՏԱՍ, ՀԿ

Similar Announcements

No results found.