Երևանի Անանիա Շիրակացու անվան ճեմարանն առաջարկում է
Դիպլոմային ծրագրի նախապատրաստական դասընթաց`
հանրակրթական դպրոցների 10-րդ դասարանների աշակերտների համար
Ճեմարանը 2014 թվականի հոկտեմբերից իրականացնում է Միջազգային բակալավրիատի Դիպլոմային ծրագիրը՝ նախատեսված 16-19 տարեկան սովորողների համար: Ծրագիրը ձեռք է բերել աշխարհի առաջատար համալսարանների հարգանքն ու վստահությունը, և համաշխարհային հռչակ ունեցող 2000-ից ավել բարձրագույն հաստատություններ ճանաչում են Միջազգային բակալավրիատի Դիպլոմային ծրագրի դիպլոմը և ծրագրի շրջանավարտներին տրամադրում արտոնություններ ընդունելության գործընթացում:
Ողջ աշխարհում համալսարանները հավանություն են տալիս և նախընտրում են այս ծրագրի շրջանավարտներին` նրանց առանձնահատուկ գիտելիքների և հմտությունների համար:
Ճեմարանն առաջարկում է Դիպլոմային ծրագրի նախապատրաստական դասընթաց` հանրակրթական դպրոցների 10-րդ դասարանների աշակերտների համար: Դասընթացը ներառում է 18 պարապմունք: Յուրաքանչյուր պարապմունքի տևողությունը 80ր է: Դասընթացի արժեքը` 57240 (հիսունյոթ հազար երկու հարյուր քառասուն) ՀՀ դրամ: Դասընթացը կմեկնարկի սույն թվականի մարտի 21-ին և կտևի մինչև մայիսի 20-ը:
Հայտերն ընդունվում են մինչև սույն թվականի մարտի 20-ը` հետևյալ հղումով: