ՍՏՈՐԱԲԱԺԱՆՈՒՄԸ` Զարգացման դեպարտամենտ / Հաճախորդների հետ հարաբերությունների կառավարման (ՀՀՀԿ) բաժին
ՊԱՇՏՈՆԸ` ՀՀՀԿ կրտսեր մասնագետ
ԱՐՏՈՆՈՒԹՅՈՒՆՆԵՐ
- Հիմնական աշխատանք, անորոշ ժամկետով աշխատելու հնարավորություն
- Աշխատանքին անմիջապես անցնելու հնարավորություն
- Ամերիաբանկի աշխատակիցներին հասանելի արտոնությունների փաթեթ
- Մասնագիտական և աշխատանքային առաջխաղացման հնարավորություն թիմի, բանկի և խմբի կազմում
ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ`
Ամերիաբանկի ՀՀՀԿ բաժինը փնտրում է գործառնական, կազմակերպչական և վերլուծական զարգացած հմտություններ ունեցող երիտասարդ մասնագետների՝ բաժնի աշխատանքներում աջակցելու և CRM համակարգի անխափան աշխատանքն ապահովելու նպատակով:
ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐԸ
- Վարել CRM տվյալների բազան (մուտքագրել նախնական տվյալները, խմբագրել տվյալների բազան, ստուգել մուտքային տվյալները)
- Մուտքագրել տվյալներ, վարել/պարբերաբար թարմացնել հաճախորդների հարցումների և բողոքների վերաբերյալ տեղեկատվությունը CRM ծրագրում
- Հանդես գալ որպես կոնտակտային անձ ներքին հաճախորդների և տեխնիկական/վարչական բաժինների միջև
- Աջակցել ներքին հաճախորդներին CRM ծրագրից քանակական տվյալներ պարունակող հաշվետվություններ արտահանելու հարցում
- Ներկայացնել CRM համակարգը ներքին հաճախորդներին և աջակցել օգտագործողներին խնդիրների դեպքում
- Ստանալ ներքին/արտաքին հաճախորդների բողոքները և նախաձեռնել համապատասխան գործողություններ
- Լուծել խնդիրները՝ առաջարկելով համապատասխան գործողություններ, ուղղել բարդ գործերը շահագրգիռ անձանց
- Կատարել զանգեր և վարել նամակագրությունը՝ բողոքին վերաբերող տվյալները ներքին և արտաքին հաճախորդներից ստանալու նպատակով
- Մասնակցել ՀՀՀԿ բաժնի նախագծերին
- Ստորաբաժանման կազմում իր իրավասությունների սահմաններում կատարել ղեկավարության կողմից հանձնարարված և դեպարտամենտի/ընկերության շահերից բխող ցանկացած այլ առաջադրանքներ
ՀԻՄՆԱԿԱՆ ՈՐԱԿԱՎՈՐՈՒՄՆԵՐԸ ԵՎ ՊԱՀԱՆՋՆԵՐԸ
- Առնվազն 1 տարվա աշխատանքային փորձ խորհրդատվական ընկերությունում, ֆինանսական կազմակերպությունում կամ ՏՏ ոլորտի ընկերությունում (ցանկալի է փորձ հաճախորդների սպասարկման ոլորտում)
- Համագործակցության (այդ թվում՝ նախագծերի շահառուների և ներգրավված աշխատակիցների հետ) կարողություն
- Գործարար և խորհրդատվական հմտությունները զարգացնելու և խորացնելու ցանկություն
- Ինքնուրույն և թիմում աշխատելու ունակություն, հաղորդակցման զարգացած հմտություններ
- Բարձրագույն կրթություն կառավարման, ՏՏ, ֆինանսների կամ հասարակագիտության ոլորտում
- Հայերենի, ռուսերենի և անգլերենի գերազանց իմացություն
ՎԱՐՁԱՏՐՈՒԹՅՈՒՆԸ` 100,000 ՀՀ դրամից մինչև 2,000,000 ՀՀ դրամ` Բանկի «S» դասի վարձատրության սանդղակին համապատասխան:
ԴԻՄՈՒՄՆԵՐԻ ՆԵՐԿԱՅԱՑՄԱՆ ԸՆԹԱՑԱԿԱՐԳ
Մրցույթին մասնակցելու համար խնդրում ենք սեղմել ներքևի APPLY ONLINE կոճակի վրա և հետևյալ լրացված դիմում/հայտի ձևը ինչպես նաև CV-ն տեղադրել սահմանված դաշտերում:
Հարցազրույցի կհրավիրվեն նախնական ընտրությունն անցած թեկնածուները: