Join ARMACAD today

Join over 40,000 researchers and students.

Subscribe and get new academic opportunities every week.

Ամառային պրակտիկա լրագրության ֆակուլտետներում սովորող ուսանողների համար

Deadline:

June 05, 2015

Disciplines:

Save in my favorites

Իրավաբան.net-ը հայտարարում է կայքում լրագրողների մասնագիտական պրակտիկայի անցկացման վերաբերյալ: Պրակտիկան անվճար է, այն տևելու է երեք ամիս: Այս ընթացքում մասնակիցները կհմտանան իրավական թեմաների լուսաբանման մեջ, կայցելեն դատարաններ` կծանոթանան հասարակական հնչեղություն ունեցող գործերին ու պրոֆեսիոնալ կերպով կլուսաբանեն դրանց ընթացքը, կանցկացնեն հարցազրույցներ դատաիրավական համակարգի ներկայացուցիչների, փաստաբանների հետ, կստանան լիարժեք տեսական գիտելիքներ և գործնական հմտություններ հետագայում իրավական լրագրության ոլորտում աշխատելու համար: Մասնակիցները նաև հնարավորություն կունենան մասնակցել Իրավաբան.net կայքի հատուկ նախագծերին, մասնավորապես` Իրավաբան TV նախագծի աշխատանքներին, այսպիսով նրանք նաև կհմտանան հեռուստալրագրության ասպարեզում:

Այսպիսով` պրակտիկայի ավարտին լրագրողները`

1. կստանան մասնագիտական նոր գիտելիքներ,

2. կկարողանան դրանք կիրառել գործնականում,

3. կլուսաբանեն դատական գործեր,

4. կխորացնեն սեփական հմտությունները մասնագիտական հեռուստալրագրության ասպարեզում:


Պրակտիկայի կազմակերպման մասին` Պրակտիկան անվճար է, այն տևելու է երեք ամիս: Հայտեր կարող են ուղարկել ՀՀ բարձրագույն ուսումնական հաստատությունների լրագրության ֆակուլտետներում սովորող ուսանողները (2-րդ, 3-րդ և 4-րդ կուրսի): Համապատասխան որակավորում ունեցող անձիք կարող են ներկայացնել իրենց ամփոփ ինքնակենսագրականը (CV), և հետաքրքրության նամակը (մինչև 300 բառ)` iravaban.net@gmail.com էլեկտրոնային փոստի հասցեով` մինչև 2015թ. հունիսի 5-ը, ժամը 17.00-ը` նամակի վերնագիրը անվանելով՝ «ՊՐԱԿՏԻԿԱ»: Հեռախոս՝ 010 54 01 99, կոտակտային անձ՝ Գևորգ Թոսունյան։ Ընտրությունը կատարվելու է մրցութային հիմունքներով: Պրակտիկան հաջողությամբ ավարտած մասնակիցներին կտրվի հավաստագիր: Իրավաբան.net լրատվական կայքը հիմնադրվել է 2012 թվականից և գործարկվում է Հայաստանի երիտասարդ իրավաբանների ասոցիացիայի կողմից: Այն մասնագիտական անկախ կայք է, որը ստեղծվել է նպաստելու հասարակության իրավական իրազեկության բարձրացմանը, իրավական մշակույթի ձևավորմանը, օժանդակելու իրավաբանների մասնագիտական կարողությունների զարգացմանը, ծառայելու որպես հարթակ՝ իրավական ոլորտում գիտական աշխատանքների հրապարակման համար և լուսաբանելու Հայաստանում և աշխարհում տեղի ունեցող իրավական տարբեր իրադարձություններ:


Subscribe to our newsletter

and receive information about international academic and professional opportunities

scholarships, summer schools, conferences, grants, fellowships, trainings

Similar Announcements