ՀՀ Նախագահի հովանու ներքո իրականացվող Երիտասարդ գիտնականների աջակցության ծրագիրը հայտարարում է երիտասարդ գիտնականների(մինչև 35 տարեկան) մրցանակաբաշխություն հետևյալ անվանակարգերում.
- Մաթեմատիկա և ինֆորմատիկա– Ս. Մերգելյանի անվան մրցանակ
- Ֆիզիկա և աստղագիտություն – Գ. Ասկարյանի անվան մրցանակ
- Քիմիա – Ջ. Չամիչյանի անվան մրցանակ
- Կյանքի մասին գիտություններ – Հ. Բունիաթյանի անվան մրցանակ
- Երկրի մասին գիտություններ – Ա. Նազարովի անվան մրցանակ
- Տեխնիկական գիտություններ և մեխանիկա – Ն. Հարությունյանի անվան մրցանակ
- Պատմություն և ազգաբանություն – Հ. Օրբելու անվան մրցանակ
- Լեզվաբանություն և գրականագիտություն – Հ. Աճառյանի անվան մրցանակ
- Քաղաքական գիտություններ, սոցիոլոգիա և հոգեբանություն – Ն. Ադոնցի անվան մրցանակ
- Տնտեսագիտություն և իրավագիտություն – Մ. Գոշի անվան մրցանակ
- Արվեստագիտություն և փիլիսոփայություն – Գ. Նարեկացու անվան մրցանակ
Յուրաքանչյուր անվանակարգում նախատեսվում է սահմանվել 1-ին, 2-րդ և 3-րդ կարգի մրցանակներ: Մրցանակակիրները կստանան դիպլոմներ և դրամական պարգևներ համապատասխանաբար 400.000, 300.000 և 200.000 ՀՀ դրամի չափով:
Մրցանակաբաշխությանը մասնակցող երիտասարդ գիտնականը պետք է՝
1. լինի ՀՀ քաղաքացի,
2. լինի մինչև 35 տարեկան (ծնվ. 1978թ. հունվարի 1-ից հետո),
3. աշխատի ՀՀ որևէ գիտական կամ գիտակրթական հաստատությունում:
Մրցույթի ժամանակ հաշվի են առնվելու հայտատուի վերջին 5 տարվա գիտական ձեռքբերումները. 2008թ.-ի հունվարի 1-ից մինչև 2013թ.-ի հունվարի 1-ը:
Մրցույթին ներկայացվող փաստաթղթերի ցանկը.
1. հայցողի դիմում-հայտը,https://dl.dropbox.com/u/82313675/mrcanak.%20hayt.doc
2. անձնագրի և սոցիալական քարտի պատճենը,
3. կենսագրական տվյալները (resume/CV),
4. տեղեկանք աշխատանքի կամ ուսման վայրից,
5. հայտում նշված տեղեկատվությունը հավաստող փաստաթղթեր:
Մրցույթի մասին բոլոր մանրամասն տվյալները և մասնակցության հայտը (https://dl.dropbox.com/u/82313675/mrcanak.%20hayt.doc) կարելի է գտնել Երիտասարդ գիտնականների աջակցության ծրագրի ֆեյսբուքյան խմբում`http://www.facebook.com/groups/321785487875421/:
Հայտերն ընդունվում են էլեկտրոնային եղանակով` egac2012@gmail.com էլ. փոստով, վերնագրված` “prize”: Հայտատուն հայտը և անհրաժեշտ փաստաթղթերն նշված էլ. փոստին ուղարկելուն զուգահեռ պետք է Երիտասարդ գիտնականների աջակցության ծրագրի ֆեյսբուքյան խմբում`http://www.facebook.com/groups/321785487875421/, տվյալ մրցույթի հայտարարության գրառման տակ թողնի հաղորդագրություն հեևյալ բովանդակությամբ` անուն, ազգանուն, անվանակարգ:
Հայտերի ընդունման վերջնաժամկետը 2013թ.-ի հունվարի 15-ն է:
Երիտասարդ գիտնականների աջակցության ծրագիր