ԻՆՉՈՒ՞ ԱՅՍ ԴԱՍԸՆԹԱՑԸ
Արագ զարգացող զբոսաշրջությանը զուգընթաց՝ Հայաստանում աճում է հմուտ զբոսավարների պահանջարկը: 2005թ.-ից ի վեր՝ հիմնադրամն իրականացնում է զբոսավարների պատրաստման առկա դասընթաց, որին վերջերս հավելեցինք առցանց բաղադրիչը՝ այն ավելի հասանելի դարձնելու համար նաև այն անձանց, ովքեր ունեն ժամանակի կամ տեղաշարժման սահմանափակ հնարավորություններ: Դասընթացը նախատեսված է նրանց համար, ովքեր տիրապետում են որևէ օտար լեզվի և ցանկանում են ձեռք բերել զբոսավարին անհրաժեշտ գիտելիք և հմտություններ:
Դասընթացը բաղկացած է ավելի քան 15 տարբեր առարկաներից և տևում է 7 ամիս: Դասավանդման լեզուն հայերենն է: Ողջ բովանդակությունը՝ տեսական նյութ, գործնական աշխատանքներ, այցեր թանգարաններ և տեսարժան վայրեր, մշակվել է հմուտ զբոսավարների և յուրաքանչյուր ոլորտի մասնագետների համատեղ ջանքերով: Մեր առաջարկը զարգանում է աշխատաշուկայի ներկա պահանջներին և զբոսավարների մասնագիտական կարիքներին համապատասխան:
Ի՞ՆՉ ԱՌԱՐԿԱՆԵՐ ԵՆ ԴԱՍԱՎԱՆԴՎՈՒՄ
Դասավանդվող ավելի քան 15 տարբեր առարկաներն ընդգրկում են հայոց պատմություն, կրոն, աշխարհաքաղաքականություն, տնտեսություն, արվեստ, ճարտարապետություն, մշակույթ, ինչպես նաև զբոսավարի հմտություններ և վարվեցողության կանոններ, արտակարգ իրավիճակների արձագանքում, առաջին օգնություն և այլն:
ՈՐՈ՞ՆՔ ԵՆ ՄԵՐ ՄԵԹՈԴՆԵՐԸ
Կիրառում ենք ուսուցման խառը մեթոդը, որը ներառում է առցանց դասեր, լսարանային հանդիպումներ, այցելություններ թանգարաններ և զբոսաշրջային վայրեր. վերջիններս օգնում են գործնականում ամրապնդել ձեռք բերված տեսական գիտելիքները:
Ուսուցման խառը մեթոդը համադրում է ուսուցման տարբեր ձևեր և բազմազան առաջադրանքների օգնությամբ դյուրացնում ուսուցման գործընթացը: Այն նվազեցնում է ժամանակի և տեղաշարժման ծախսերը՝ հնարավորություն ընձեռելով սովորել ցանկացած վայրից: Այս մեթոդը վստահություն է ներշնչում ուսանողներին և քաջալերում լինել ավելի պատասխանատու իրենց իսկ կրթության նկատմամբ, դառնալ անկախ ուսանողներ, ովքեր չեն դադարի սովորել դասընթացից հետո ևս, քանի որ զբոսավարի մասնագիտությունը պահանջում է մշտապես իրազեկ լինել տեղական և համաշխարհային զարգացումներին:
Մեր դասընթացի յուրաքանչյուր մասնակցի տրամադրվում է անհատական ուղղորդում արհեստավարժ զբոսավարի կողմից, ինչը հեշտացնում է ուսման ողջ ընթացքը և նպաստում ուսանողի մասնագիտական հետագա ուղու կայացմանը: Իսկ էլեկտրոնային հարթակի կանոնավոր կիրառումը զարգացնում է մեր օրերում մասնագիտական աճի համար անհրաժեշտ համակարգչային հմտություններ:
Քանի որ էլեկտրոնային ուսուցումը նոր է Հայաստանում, վերջինիս մասին՝ մի փոքր մանրամասն։
Առցանց մոդուլները դասընթացի ողջ ընթացքում նպատակ ունեն լրացնելու լսարանային դասերին : Դրանք կազմված են ընթերցանության նյութերից, ձայնա- և տեսանյութերից, ֆորումներից, տարբեր առաջադրանքներից և հարցաշարերից:
Ընթերցանության նյութեր. ընթերցանության նյութեր դասավանդվող ավելի քան 15 առարկաների շուրջ, ինչպես նաև լրացուցիչ նյութեր այն ամենատարբեր թեմաների վերաբերյալ, որոնք արծարծվում են դաընթացի ընթացքում՝ լսարանային դասերին լրացնող թեմատիկ հանդիպումների ժամանակ:
Ձայնա- և տեսանյութեր. տարատեսակ նկարներ, ձայնանյութեր և տեսանյութեր, որոնք դասընթացին առավել ինտերակտիվ բնույթ են հաղորդում և օգնում զարգացնել կոնցեպտուալ մտածողությունը:
Ֆորումներ. խոսքը քննարկման հարթակների մասին է, որոնք օգնում են դասընթացի շրջանակներում ստեղծել «համայնք»՝ մասնակիցներին հնարավորություն ընձեռելով շփվելու միմյանց և իրենց դասախոսների հետ, ինչպես նաև ստանալու արժեքավոր արձագանքներ վերջիններիս կողմից: Ֆորումները մասնակիցներին ավելի շատ ժամանակ են տալիս մտածելու, ուսումնասիրելու, իրենց մտքերը շարադրելու, տեսնելու և արձագանքելու այլոց աշխատանքներին, զարգացնելու իրենց մտավոր և գրավոր կարողությունները:
Հարցաշարեր. ինքնագնահատման հրաշալի գործիքներ են, որոնք հնարավորություն են տալիս անմիջապես ծանոթանալու կատարված առաջադրանքի արդյունքներին՝ թույլ տալով ուսանողներին վեր հանել սեփական ուժեղ և թույլ կողմերը և կենտրոնանալ վերջիններիս բարելավման վրա:
Անհատական և խմբային աշխատանքներ. նպաստում են դասընթացի ընթացքում շոշափված թեմաների և հասկացությունների հետագա ուսումնասիրմանը: Այս առաջադրանքները միմյանց են կապում դասընթացի տարբեր բաղկացուցիչ մասերը՝ օգնելով մասնակիցներին յուրացնել սովորածը և ավելի խորությամբ ըմբռնել նյութը :
Առցանց ֆասիլիտատոր. վերջինս էլեկտրոնային հարթակում բոլոր մասնակիցների համար ստեղծում է անվտանգ և ուսուցմանն ու հաղորդակցությանը նպաստող միջավայր՝ ապահովելով սերտ կապ դասընթացի մյուս բաղադրիչների հետ, ինչպես նաև ամենօրյա տեխնիկական աջակցություն մասնակիցներին:
Դասընթացի ավարտին մասնակիցներին տրվում է մասնակցության վկայական, որն այսօր լայնորեն ճանաչված է զբոսաշրջային գործակալությունների կողմից:
Ո՞Վ ԿԱՐՈՂ Է ՄԱՍՆԱԿՑԵԼ
Դասընթացը մշակված է բոլոր նրանց համար, ովքեր տիրապետում են որևէ օտար լեզվի, ունեն բարձրագույն կրթություն և ցանկանում են ձեռք բերել զբոսավարի մասնագիտությանն անհրաժեշտ գիտելիք և հմտություններ:
Ի՞ՆՉ ԱՐԺԵ ԴԱՍԸՆԹԱՑԸ
Դասընթացի արժեքն է 224.000 ՀՀ դրամ (ամիսը՝ 32.000դրամ) :
Հիմնադրամը խոստումնալից ուսանողներին տրամադրում է կարիքի վրա հիմնված կրթաթոշակներ (առավելագույնը 50%-ի չափով):
ՄԵՐ ԴԱՍԱՎԱՆԴՈՂՆԵՐԸ
Դասընթացը վարում են հմուտ զբոսավարներ, ինչպես նաև ոլորտի (պատմություն, աշխարհագրություն, ճարտարապետություն, արվեստ, և այլն) բարձրակարգ փորձագետներ: Հաճախ հյուրընկալում ենք նաև դասախոսների Եվրոպայից:
ՇԱՐՈՒՆԱԿԱԿԱՆ ԿՐԹՈՒԹՅՈՒՆ ԶԲՈՍԱՎԱՐՆԵՐԻ ՀԱՄԱՐ
Ձմռան ամիսների ընթացքում փորձառու զբոսավարներին առաջարկում ենք վերապատրաստում:Այս վերապատրաստումները եզակի հնարավորություն են տալիս արդեն աշխատանքային փորձ ունեցող զբոսավարներին խորացնել և թարմացնել իրենց գիտելիքները որոշ բնագավառներում, ունենալ փորձի փոխանակում գործընկերների հետ: Ներկայացվող թեմաներն առաջարկում են մասնակիցներն իրենք՝ ելնելով աշխատանքային տարվա ընթացքում իրենց կուտակած հարցերից:
«ԿԱԶԱ» -Ի ՄԱՍԻՆ
«ԿԱԶԱ» հիմնադրամը հայ-շվեյցարական կազմակերպություն է, որը 1997թ.-ից ի վեր՝ գործում է ի նպաստ Հայաստանի կայուն զարգացման: Սկզբում ստեղծված լինելով որպես մարդասիրական նախաձեռնություն, որի նպատակն էր աջակցել կարիքավոր հայերին՝ կազմակերպությունն այսօր վերածվել է գործուն մի կառույցի, որը փնտրում է տևական լուծումներ՝ անհապաղ աջակցության փոխարեն, նպաստելով երկրում որակյալ կրթության, սոցիալապես պատասխանատու զբոսաշրջության և «համերաշխ» գյուղատնտեսության զարգացմանը: Հիմնադրամն իր գործունեության հիմնասյունն է համարում երիտասարդների և նրանց ողջ ներուժի իրացումը (անձնական, հասարակական և մասնագիտական ներդաշնակ զարգացում):
Զբոսավարների պատրաստման դասընթացը հավատարիմ է հիմնադրամի կողմից որդեգրած՝ սոցիալապես պատասխանատու զբոսաշրջության սկզբունքներին, որը նպաստում է ապրուստի միջոցների ստեղծմանը, տեղական համայնքների աջակցությանը, Հայաստանի մշակութային և բնական ժառանգության պահպանմանը, հայ ժողովրդի բացահայտմանն ու նրա հետ երկխոսության դյուրացմանը :
Գրանցվելու համար գրել նամակ՝ guides@kasa.am հասցեին կամ զանգահարել 010 54 18 44 հեռախոսահամարով