Հետազոտական ռեսուրսների կովկասյան կենտրոն (ՀՌԿԿ)-Հայաստանը հրավիրում է
“Ընտրանքի նախագծում և իրականացում: Տվյալների կշռում”
թեմայով դասընթացի, որը կվարի Գայանե Ղուկասյանը (ԵՊՀ)
Օրերը և ժամերը՝ 23, 25, 26 մարտի, 2015, ժամը 14:30–17:30
Վայրը՝ ՀՌԿԿ-Հայաստան, Երևան, Ալեք Մանուկյան 1, ԵՊՀ գրադարանի մասնաշենք, 6-րդ հարկ, 602 սենյակ
Լեզուն՝ հայերեն
Դասընթացի նպատակն է սոցիոլոգիական, մարքեթինգային և տարբեր բնույթի վիճակագրական հետազոտություններ իրականացնող մասնագետներին ծանոթացնել ընտրանքի նախագծման և իրականացման, տվյալների կշռման մեթոդներին, տվյալների կշռման SPSS և Excel գործիքամիջոցներին:
Դասընթացի ունկնդիրներին կտրամադրվեն աշխատանքային նյութեր և էլեկտրոնային գրականություն: Ուսուցման ու գործնական վարժությունների համար կօգտագործվեն ՀՌԿԿ-Հայաստանի կոռուպցիային վերաբերող հետազոտության տվյալների բազաները: Դասընթացի ավարտին մասնակիցները կտիրապետեն ընտրանքի նախագծման, ձևավորման և իրականացման մեթոդներին, տվյալների կշռման մեթոդաբանությանը:
Մասնակիցների ստացած գիտելիքները և հմտությունները կստուգվեն թեստավորման միջոցով: Առավել բարձր միավորներ հավաքած ունկնդիրները կստանան համապատասխան հավաստագիր:
Դասընթացի բովանդակությունը և օրակարգը
23-ը մարտի, երկուշաբթի
25-ը մարտի, չորեքշաբթի
Հետազոտության շրջանակի ընտրությունը և ընտրանքային հետազոտության համար տվյալների հենքի ընտրությունը:
Ընտրանքի ծավալի հաշվարկ և ընտրանքի բաշխում: Ընտրանքի մեթոդի և տեխնիկայի ընտրություն: Պատահական ընտրանքի իրականացումը SPSS և Excel միջավայրերում:
Նախնական շերտավորմամբ բազմափուլ խմբային ընտրանքի մեթոդաբանությունը ՀՌԿԿ-Հայաստանիկոռուպցիայինվերաբերող հետազոտության օրինակով:
Տվյալադարանի որակի վերահսկում. տվյալների տեխնիկական, բովանդակային և տրամաբանական որակի ստուգման եղանակները: SPSS և Excel ծրագրերի գործիքների կիրառումը տվյալադարանի որակի վերահսկման գործընթացում:
26 -ը մարտի, հինգշաբթի
Տվյալների կշռում: Տվյալների կշռման խնդիրները հետազոտության արդյունքում գլխավոր համախմբության և ընտրանքի հետազոտվող ցուցանիշների միջև առաջացած շեղումների շտկման և արժանահավատ գնահատականներ ստանալու նպատակով: Շեղումներ՝ պայմանավորված ընտրանքում միավորների ընտրության անհավասար հնարավորություններով, բնակչության ոչ լրիվ ընդգրկմամբ, մերժումներով և այլն:
Մասշտաբի շտկում, համամասնությունների շտկում: Մասշտաբի գործակից, ինտեգրված կամ համախմբված կշիռ:
Կշռման միջոցով ընտրանքային միավորների ընտրության ոչ հավասար հավանականությունների կոմպենսացում, մերժումներով, փակ դռներով պայմանավորված սխալների շտկում, սեռատարիքային համամասնության շտկում և այլն:
Տվյալների կշռումը SPSS և Excel փաթեթների միջոցով:
Դասընթացավարի մասին.
Ֆիզ.-մաթ. գիտությունների թեկնածու, դոցենտ Գայանե Ղուկասյանը աշխատում է Երևանի պետական համալսարանի (ԵՊՀ) տնտեսագիտության և կառավարման ֆակուլտետի տնտեսագիտության մեջ մաթեմատիկական մոդելավորման ամբիոնում: Նրա հետազոտությունների շրջանակը ներառում է թվային մեթոդները, տնտեսագիտության մեջ մաթեմատիկական մոդելավորումը և տեղեկատվական համակարգերի կառավարումը:
Տիկին Ղուկասյանն ավարտել է ԵՊՀ կիրառական մաթեմատիկայի ֆակուլտետը, ունի ավելի քան 30 տպագրված գիտական աշխատանք: Մասնակցել է բազմաթիվ ազգային և միջազգային գիտաժողովների: Ներկայումս դասավանդում է «Համակարգերի նախագծում և վերլուծություն», «Տեղեկատվական համակարգերը տնտեսագիտության մեջ», «Տվյալների բազաներ» դասընթացները:
Գրանցման համար լրացրե՛ք դիմումի ձևը:
Միայն ընտրված դիմորդները կտեղեկացվեն լրացուցիչ:
Դիմումների վերջնաժամկետը՝ 18-ը մարտի, 2015 թ., ժ.10:00:
This opportunity has expired. It was originally published here:
http://www.crrc.am/news-events/455-Training-on-%E2%80%9CSampling-and-weighting%E2%80%9D?lang=hy