Գծային ռեգրեսիաների կիրառությունը սոցիոլոգիական հետազոտություններում
Վայրը՝ Կովկասի ինստիտուտ, 3-րդ հարկ
Դասընթացավար՝ Սամվել Մանուկյան, սոց.գ.թ.
Կովկասի ինստիտուտը ընդունում է հայտեր 2016թ.-ի հոկտեմբերին կայանալիք երեք մասից բաղկացած դասընթացին մասնակցելու համար՝ նախատեսված այն սոցիոլոգների համար, ովքեր ցանկանում են բարելավել իրենց գիտելիքները գծային ռեգրեսիոն վերլուծության ոլորտում:
Աշխատանքային լեզուն հայերենն է: Մասնակցությունն անվճար է: Տեղերը սահմանափակ են:
Մասնակցության չափանիշներն են՝ բակալավրի կամ ավելի բարձր աստիճան սոցիալական գիտությունների ոլորտում, SPSS-ի տարրական իմացություն, անգլերենի բավարար իմացություն SPSS-ի տերմինաբանությունը կիրառելու համար, ընթացիկ զբաղվածություն՝ սոցիալական գիտությունների ոլորտում հետազոտություն կամ ուսումնասիրություն:
Դիմումների վերջնաժամկետն է 2016թ-ի սեպտեմբերի 23-ը:
Դիմելու համար խնդրում ենք ուղարկել Ձեր ինքնակենսագրականը և համառոտ նամակ այն մասին, թե ինչու եք ցանկանում մասնակցել դասընթացին (կես էջի սահմաններում) contact@c-i.am էլ. հասցեին:
Մասնակիցները պետք է ներկայանան դասընթացին իրենց անձնական համակարգիչներով: Այն մասնակիցները, ովքեր իրենց համակարգչում չունեն SPSS ծրագիրը, պետք է նախապես պայմանավորվածություն ձեռք բերեն և ոչ ուշ, քան հոկտեմբերի 3-ը, այցելեն Կովկասի ինստիտուտ՝ ծրագրի աշխատանքային տարբերակի ներբեռնման համար:
Դասընթացի ծրագիր
Օր 1. Չորեքշաբթի՝ հոկտեմբերի 5, 15:00 – 18:00
- Գծային ռեգրեսիայի էությունը և կիրառությունները՝ համառոտ բովանդակային ներածություն:
- Գծային բազմաչափ ռեգրեսիաների ուսումնասիրության համար անհրաժեշտ վիճակագրական տերմինների համառոտ ներկայացում:
- Սոցիոլոգիական հետազոտություններում գծային ռեգրեսիաների կիրառման առանձնահատկությունները:
Օր 2. Հինգշաբթի՝ հոկտեմբերի 6, 15:00 – 18:00
- Գծային ռեգրեսիոն մոդելների կառուցումը SPSS համակարգչային ծրագրով՝ կոնկրետ օրինակների վրա:
- Գծային ռեգրեսիաների արդյունքների մաթեմատիկական և սոցիոլոգիական մեկնաբանությունները:
- Տնային աշխատանքի/վարժության համար իրական սոցիոլոգիական հետազոտությունների տվյալների շտեմերանների ներկայացում:
Օր 3. Հինգշաբթի` հոկտեմբերի 13, 15:00 – 18:00
- Կատարված տնային աշխատանքների դիտարկում և քննարկում: