Աշխատանքի նկարագիր.
Թումո ստեղծարար տեխնոլոգիաների կենտրոնը փնտրում է խանդավառ և փորձառու ուսումնական բովանդակության մշակող/դասընթացավարի, ով պատասխանատու կլինի տեսախաղերի վերաբերյալ ուսումնական վարժանքներ, նախագծային և այլ ուսումնական բնույթի հանձնարարություններ ստեղծելու գործում՝ հիմնվելով ուսումնական բովանդակության մշակման սահմանված չափանիշների վրա:
Գործառույթները
- վարել տեսախաղերի ստեղծման դասընթացներ
- մշակել, փորձարկել, հղկել տեսախաղերի մշակման վարժանքների բովանդակությունը, հետազոտել և առաջարկել նոր մոտեցումներ վարժանքների ստեղծման վերաբերյալ՝ կենտրոնանալով տեսախաղերի նախագծման վրա.
- քննարկել և առաջ քաշել վարժանքների նոր գաղափարներ, որ կզարգացնեն ուսանողների հմտությունները տեսախաղերի ստեղծման գործում, ներկայացնել դրանք ուսումնական բովանդակություն մշակող խմբին և լուծումներ առաջարկել՝ առկա ուսումնական ծրագրում այդ գաղափարները ներգրավելու համար.
- օժանդակել Թումո անդամներին, մարզիչներին և վարժանք ստուգողներին ուսումնական բովանդակության վերանայման գործընթացում.
- աջակցել տեսախաղերի մշակման ոլորտին առնչվող գործնական դասընթացների ժամանակ.
- հետադարձ կապ տրամադրել տեսախաղերին վերաբերող դասընթացների, նախագծերի և ուսումնական բովանդակության ընկալման վերաբերյալ.
- կառավարել և վերահսկել տեսախաղերի սենյակը.
- ճկուն լինել տեխնոլոգիաների հետ և լուծելու տեսախաղերի ծրագրավորման առաջադրանքներ և մշակված արդյունքի որակի վերահսկման միջոցառումներ.
- աջակցել ուսումնական բովանդակության փորձարկմանը և գնահատմանը:
Անհրաժեշտ որակավորումներև հմտություններ.
- զգալի փորձառություն տեսախաղերի մշակման ոլորտում
- ծրագրավորման իմացության միջին մակարդակ
- C#, JavaScript and C++-ի իմացություն
- Unreal Engine, Unity, Source Engine-ի իմացություն
- ուսումնական ոլորտում կամ երեխաների հետ աշխատելու փորձը ցանկալի է
- խաղեր խաղալու և ստեղծելու մեծ սեր
- հաղորդակցման, միջանձնյա շփման հմտություններ
- ինքնուրույն, ինչպես նաև մեծաքանակ անձնակազմի հետ թիմային աշխատանքի հմտություններ
- կանոնավոր կերպով աշխատանքի բարձր արտադրողականության ապահովման կարողություն
Վայրը` ք.Երևան, ՀՀ
Աշխատանքին դիմելու և մանրամասն տեղեկատվություն ստանալու համար խնդրում ենք դեկտեմբերի 4-ին մասնակցել Արմենիա Մարիոթ հյուրանոցի Տիգրան Մեծ սրահում անցկացվող աշխատանքի տոնավաճառին: