Աշխատանք Ֆինանսական համակարգի հաշտարարի գրասենյակում
Ֆինանսական համակարգի հաշտարարի գրասենյակն իր թիմը համալրելու նպատակով հայտարարում է մրցույթ՝ Պահանջներն ընդունող մասնագետի թափուր պաշտոնի համար: Ստորև ներկայացվում են աշխատանքի պայմանները և աշխատակցին ներկայացվող պահանջները:
Ստորաբաժանման անվանումը` Ֆինանսական համակարգի հաշտարարի գրասենյակ, պահանջներն ընդունող և քննող խումբ
Աշխատատեղի անվանումը` Պահանջներն ընդունող մասնագետ
Աշխատանքի սկիզբը` Անմիջապես
Աշխատանքային օրերը և ժամերը Երկուշաբթիից ուրբաթ, 09:00-18:00
Հիմնական պարտականությունները
- Պատասխանել սպառողների հեռախոսազանգերին, ընդունել հաճախորդներին, պարզաբանել նրանց հարցերը, տրամադրել իրավական խորհրդատվություն,
- Իրականացնել Հաշտարարին ուղղված պահանջների/դիմում-բողոքների ընդունում, մասնավորապես՝ օգնել հաճախորդներին կազմել դիմումները, իրականացնել բողոքների նախնական ուսումնասիրություն, վերլուծություն,
- Հաշվառել Հաշտարարին ուղղվող բողոքները և վարել համապատասխան տվյալների էլեկտրոնային բազան,
- Աջակցել պահանջները քննող մասնագետներին քննման գործընթացի ժամանակ` տրամադրելով իրավաբանական խորհրդատվություն և աջակցություն,
- Վարել գրագրություն քաղաքացիների, ֆինանսական կազմակերպությունների հետ, մասնակցել խորհրդակցություններին, քննարկումներին,
- Պատասխանել քաղաքացիների հաճախակի տրվող հարցերին (ինտերնետային կայքի, եռամսյակային պարբերականի համար),
- Մասնակցել Հաշտարարի գրասենյակի ամսական, եռամսյակային և տարեկան հաշվետվությունների պատրաստմանը,
- Ուսումնասիրել միջազգային փորձը սպառողների շահերի պաշտպանության ոլորտում
Նվազագույն պահանջներ
- Բարձրագույն իրավաբանական կրթություն,
- Առնվազն 2 տարվա մասնագիտական աշխատանքային փորձ
Գիտելիքներ (բնագավառը, խորությունը)
- Բանկային գործ (խորացված),
- Բանկային օրենսդրություն և նորմատիվային դաշտ (խորացված),
- Քաղաքացիական օրենսդրություն (խորացված),
- Քաղաքացիական իրավունք (խորացված),
- ՀՀ դատաիրավական համակարգ և ներպետական օրենսդրություն (խորացված),
- Անգլերենի և ռուսերենի իմացություն,
- Հայերենի ազատ տիրապետում
Հմտություններ և անձնային հատկանիշներ
- Համակարգչով աշխատելու հմտություն (MS Office),
- Վերլուծելու ունակություն,
- Հաղորդակցվելու կարողություն,
- Խորհրդատվական հմտություններ,
- Սպասարկման հմտություն,
- Առողջ դատելու ընդունակություն,
- Համագործակցելու ունակություն,
- Օրինապահություն և հուսալիություն,
- Ֆիդուցիար պարտականության գիտակցում
Նշված պահանջներին համապատասխանող անձինք կարող են իրենց ռեզյումեներն ուղարկել hmakaryan@fsm.am էլեկտրոնային փոստի հասցեին՝ վերնագրում նշելով Case Handling Specialist կամ Պահանջներն ընդունող մասնագետ: Խնդրում ենք ռեզյումեներն ուղարկել միայն հայերեն: Այլ լեզուներով ուղարկված ռեզյումեները չեն դիտարկվելու:
Դիմելու վերջնաժամկետը ս/թ փետրվարի 28-ն է: Հարցերի դեպքում կարող եք զանգահարել 060-70-11-11 (ներքին՝ 20) հեռախոսահամարով կամ գրել մեզ hmakaryan@fsm.am էլեկտրոնային փոստի հասցեին: